Iemus 2:7 - Laulau na Vinalu mine Salemo

⁷ Salemo ei tau a aisa doana mine Krais ne amutou, moni sei ei adepintola ana aisa do? Iede tamai sou a vanunua na vuvutina moni.

Iemus 2:7 ပူးပေါင်းရင်းမြစ်များ

Matiu 1:23

“Oite. Tavine tasa ei saboa ngolo pilu a bibi tasa, ei ni saaavu mei ni maalepose a bibaini tasa. Me ne sou maaise e ei e Emanuel.” Masovana aisa do ei maido, Salemo ei eili pilu e eitou.

Matiu 12:24

Moni sou e Parisi sou longe a inade do me sou vei maido, “Bibi ieli ei taulelele a nunu pagu na sagagalina mine Belsebul ei a mapana mine sou a nunu pagu.”

Matiu 27:63

Sou vei lei maido, “Bibi buo, amiteu damutale a inade tasa bibi na niioto do ei goli na ilala ei saboa ei mauli. Ei vei, ‘Mulimuli na malada tolu eau na ilisiliu.’

Aposel 11:26

Ei itesi e Sol, me ei maasi ei usinani ne Antiok. Me na avala tasa vuso, sulu ugu pilu e sou a vanunua ma tavivine mina kinaka ne Antiok, me sulu matetengi a abuna vanunua ma tavivine buo na inade mine Salemo. Ne Antiok sou a disaipel sou guale a aisa ne sou a kristen munugana sele.

Aposel 15:17

Maidolo me sou a abuna vanunua ma tavivine sanii ne sou tilomuli e eau Bibi Taula. Ede a vanunua ma tavivine vuso mine sou a abuna sea, eau vilealesi e sou ni minau oto.” Ieli ei a inade mine Bibi Taula. Lisa oto sele ei ade a golugolu sou ieli ni palea.’

Aposel 26:11

Me taliuliu eau gali ulilo na luma na kinaka mine sou e Iuda mina sautolene sou me mina toegegeline sou. Eau sagali mamau a gunolina vanunua ne sou lametase e Bibi Taula me ne sou adegegeli e ei. Eau sinoa mamau ane sou, me eau asu tilomuli e sou na aubu buobuo vuso ino bulago tamai.”

Aposel 4:12

A bibi tasa boa ei mapigogoi ni gualeliu e eitou. Na aisane Iesu ei tasa moni eitou vuso a vanunua ma tavivine na magamaga i mapigogoi neitou guale a maulina. Ei vululu moni e Salemo i vileale ni gualeliu e eitou.”

Epesus 3:15

ei e Tamana abuna vuso, oata na langi ma magamaga, me ei oto i bilii a maulina ane abuna vuso iedo.

1 Timoti 1:13

Ivu, lisa eau salaitavole a aisane ei, mea butuale ei me eau a bibi na toegegelina. Moni ei muada ilala eau goli a inigogona sou ie, eau ma muada kuba oto e ei, me eau ma silimuli ete ei. Maido me ei lilomuli e eau.

1 Pita 4:16

Moni amutou a kristen, mane amutou tabule a davutina, io amutou ma maelaela lou. Namutou mongemonge a aisa kristen, me mu beilange a aisane Salemo.

Inade i Ovu 19:13

Daladala ei avipope a kinainai lagolago ei kai, me sou vate a aisana “A inade mine Salemo.”

Inade i Ovu 19:16

Na kinainai lagolago minei me na ubune ei sou niage a aisa maido, “Mapana mine sou a mapana, me Bibi Taula mine sou a vanua buobuo.”