Hibru 7:21 - Laulau na Vinalu mine Salemo

²¹ Salemo oto ei vei ivu uata, me Iesu ei palea a prist. A Laulau mine Salemo ei vei maido, “Bibi Taula ei veiosi ivu uata, me ei ma mapigogoi ete ni sauvule a inade minei. ‘O no muimu a prist taliuliu taliuliu.’”

Hibru 7:21 ပူးပေါင်းရင်းမြစ်များ

Laulau Pol ei niage usino ne sou e Rom 11:29

Mane Salemo i toleale a vanunua ne sou asu usinani minei, me ei bilii a golugolu doana usino ne sou, io mulimuli ei ni ma sauvule ete a damutatalana minei.

Hibru 5:6

Me na avena laulau tasa sea tamai Salemo ei vei, “Oo no muimu a prist taliuliu taliuliu tomane moni a abuna mine Melkisedek.”

Hibru 7:17

Salemo ei ade sagali ane ei maido, “Oo no muimu a prist taliuliu taliuliu tomane a abuna mine Melkisedek.”

Hibru 7:20

Me tamai, ilala Salemo ei tau e Iesu ei palea a prist, ei vei ivu me ei vileale e ei. Moni Salemo ma goli ete usino ne sou a prist mine sou e Livai maido.

Hibru 7:23

Lisa prist i makuba, vuna sou mamatemate, maido me sou ma mapigogoi ete ne sou muine sou a prist taliuliu.

Hibru 7:28

A binea ei vileale a vanua sou ma sagali vuso oto ne sou palea a mapana prist. Moni a inade patotona mine Salemo ei palea mamuli na binea, ei matoale e Natune Salemo. A mapana prist iedo ei bilesi mei kubaana sele, mei ni muina moni maido taliuliu taliuliu.