Hibru 7:11 - Laulau na Vinalu mine Salemo

¹¹ Lisa vanunua ma tavivine mine Israel sou guale a binea na pipigona mina prist mine sou e Livai. Moni mane a pipigona mina prist mine sou e Livai ei mapigogoi ni toe a vanunua ma tavivine ne sou palea bilesi sele na matane Salemo, io posa matina Salemo ei vei na bibi sea ei guale a pipigona mina prist ni palea mulimuli, ei a matana tasa moni tomane abuna mine Melkisedek, me ei ma tomane ete e Aron?

Hibru 7:11 ပူးပေါင်းရင်းမြစ်များ

Galesia 2:21

Eau ma goli ete a dinodo mine Salemo ni palea a golu sabubu. Mane a binea ei mapigogoi ni toe eitou palea a bilesina bibi na matane Salemo, io Krais ei mate sabubu moni.

Galesia 4:3

Eitou tamai ilala eitou ino tomane sou selebanini, eitou tomane a vanua na pipigona sabubu mina matamatana nunu ei matetengi a sinokona muadana mina magamaga.

Galesia 4:9

Moni seidei amutou muadasi e Salemo, ue nane puiale eau na vei, Salemo ei muadasi e amutou. Maido me posa matina amutou veteliu lou usino na matamatana matetengina mina magamaga? Sou ma isa oto a sagagalina me sou a golu sabubu moni. Amutou kale namutou palea a vanua na pipigona sabubu mine ei lou, io?

Hibru 5:10

Salemo ei vileale ei a mapana prist tomane a abuna mine Melkisedek.

Hibru 5:6

Me na avena laulau tasa sea tamai Salemo ei vei, “Oo no muimu a prist taliuliu taliuliu tomane moni a abuna mine Melkisedek.”

Hibru 6:20

Iesu ei gali pala ane eitou ulilo na vilo iedo mina buloine eitou, me ei muina a mapana prist taliuliu taliuliu tomane a abuna mine Melkisedek.

Hibru 7:10

vuna ilala Melkisedek i poge Abraham, sou e Livai sou ino na mainine tubune ei, Abraham.

Hibru 7:12

Na ilala abuna prist sou maiadovuso, io a binea tamai ni sauvule.

Hibru 7:13

A bibi eitou veivei, ei mina abuna sea, me na abuna minei lisa a bibi tasa ei ma goli ete a pipigona mina poso na niabi tomane a prist.

Hibru 7:15

Io eitou ite a prist alaba ei palea tomane Melkisedek, me neitou muada kuba i maido,

Hibru 7:21

Salemo oto ei vei ivu uata, me Iesu ei palea a prist. A Laulau mine Salemo ei vei maido, “Bibi Taula ei veiosi ivu uata, me ei ma mapigogoi ete ni sauvule a inade minei. ‘O no muimu a prist taliuliu taliuliu.’”

Hibru 8:7

Mane a munugana magilipiluna ei doana sele, io Salemo ei ma goli ete ni mapale a magilipiluna sea lou.

Hibru 9:6

Sou masusulu a golu vuso simaido, io na malada vuso sou a prist sou galigali ulilo na munugana vilo mina luma bale maolo me sou goli a pipigona mine sou.