Hibru 13:21 - Laulau na Vinalu mine Salemo

²¹ ei ni goli a inigogona doana vuso ni palea na maulina mine amutou, i mapigogoi namutou ogomuli ivu a masagana minei. Na pipigona mine Iesu Krais, ei ni toe eitou vuso neitou guale a inigogona vuso ei oto ei kale. Me taliuliu taliuliu eitou vuso neitou bilii e Iesu a aisa buo. Moliana.

Hibru 13:21 ပူးပေါင်းရင်းမြစ်များ

Matiu 12:50

A bibi ue a tavine ei ogomulimuli a masagana mine Euma ei tubu na langi, ei e tasigu, latavinegu me eina.”

Matiu 21:31

“Io, ne natuna lua do, sei ogomuli a inade mine tamana?” Me sou vei, “Natuna maluanai.” Me Iesu ei vei le sou maido, “Eau vei ivu ane amutou, a vanua na gualena takis me sou a tavivine na vea sou galigali ulilo na niitealalena mine Salemo muga pala ane amutou.

Matiu 28:20

Me mu matetengi e sou a ogomulina inade vuso eau bilii e amutou. Eau vei ivu sele, eau na pilu e amutou na maladalada vuso i asu mapigogoi na punuluna malada.”

Matiu 6:13

Oo no ma itetasetase lei e amiteu namiteu bosa na tinovo, moni gualeliu e amiteu maino na golugolu pagu.’

Matiu 7:21

“Vanunua ma tavivine vuso sou vatevate eau, ‘Bibi Taula, Bibi Taula,’ ne sou gali ulilo na niitealalena mina langi? Boa. Bibi ei ogomulimuli a masagana mine Euma tubu na langi, ei moni ni gali ulilo.

Ioanes 17:23

Eau ino lilo ne sou, me oo eili minau, me mina inigogona ieli eau kale a lilone sou ni palea tasa moni. Maido ma vanunua ma tavivine mina magamaga ne sou muada i, oo peltase eau usinani, me oo no kale sou tomane oo kale eau.

Ioanes 7:17

Mane a bibi tasa ei kale ni ogomuli a masagana mine Salemo, ei ni muada a inade ieli maino ne Salemo, ue ei palea moni na damutatalana minau oto.

Laulau Pol ei niage usino ne sou e Rom 11:36

Salemo oto ei mapale a golugolu vuso, me ei a vuna golugolu vuso. Ma golugolu vuso ei minei tasa moni. Eitou neitou beilange a aisane ei taliuliu taliuliu. Moliana.

Laulau Pol ei niage usino ne sou e Rom 16:27

Salemo ieli, ei tasa moni ei muada sele. Neitou damutale a golugolu vuso ei goli na limane Iesu, me neitou beilange a aisane ei taliuliu taliuliu. Moliana.

2 Korin 9:8

Me Salemo ei mapigogoi ni bilii a golu doana vuso usino ne amutou, me taliuliu ne amutou isa a golugolu makuba sele, maido amutou mapigogoi namutou goli a golugolu vuso i doana.

Galesia 1:5

Maido me neitou beilange Salemo taliuliu taliuliu. Moliana.

Epesus 2:10

Eitou a malasana vanunua Salemo i mapale. Lilo ne Krais Iesu, Salemo ei mapale eitou a vanunua ma tavivine i alaba, neitou goli a pipigona kubaana, lisa e Salemo ei masusuliosi ane eitou.

Epesus 2:18

Ne Krais, eitou a abuna lua eitou isa a Maolona Nunu tasa, ei pee a vea, ne eitou sibitala ne Tamane eitou.

Pilipai 1:11

Ma vuavua na inigogona bilesi Iesu Krais ei mapalele, ei ni vonu sele ne amutou, me sou a vanunua ma tavivine ne sou ite amutou, ne sou bilii a aisa buo usino ne Salemo me ne sou beilange a aisane ei.

Pilipai 2:11

Me sou vuso ne sou veimuade maido Iesu Krais ei e Bibi Taula. Me na inigogona iedo, ne sou bilii a aisa buo usino ne Salemo Tamane eitou.

Pilipai 2:13

Eitou muada, Salemo ei pipigopigo lilo na lilone amutou. Ei oto i mailisi a masagana mine amutou mina ogomulina inigogona ei kale, me ei bilii e amutou a sagalina mina gunolina inigogona sou odo.

Pilipai 4:13

Krais ei masagaligali eau, me na sagalina mine ei, eau mapigogoi na goli a golugolu vuso.

Pilipai 4:18

Io seidei eau niage a inade ieli mina veimuadena iiti i maido, eau gualesi a golugolu vuso amutou bilii e eau. Golugolu amutou sosove usinani, ei mapigogoi sele. Na malada eau guale sou a niabi iedo, Epafroditus ei maasi usinani, eau somiale maido, eau vonu sele. Niabi mine amutou odo, ei tomane a niabi ei isa a manginana doana, ede amutou bilii e Salemo. Salemo i mongemonge sele a gualena matana niabi iedo.

Kolosi 3:17

A inade vuso mine amutou, ma pipigona mine amutou ma golugolu vuso amutou goli, namutou goli na aisane Bibi Taula e Iesu. Me na aisane ei, namutou toledadangi e Salemo Tamane eitou.

Kolosi 3:20

Amutou selebanini, namutou ogomuli a inade mine tamane amutou me tinane amutou na golugolu vuso. Bibi Taula ei kalekale a matana inigogona simaido.

Kolosi 4:12

Epafras ei vate oaso kubaana usino ne amutou. Ei tamai tasa mine amutou e Kolosi, me ei a bibi na pipigona mine Krais Iesu. Taliuliu ei sagali a kinaka me ei tagi e Salemo ni buloi e amutou namutou magili sagali, tomane sou a kristen so matuasi me sou muada kuba sele a masagana minei.

1 Tesalonaika 3:13

Me na inigogona ieli Salemo ni toesagali a lilone amutou, me na ilala Bibi Taula mine eitou Iesu ei veteliu pilu a vanunua ma tavivine vuso minei, io ne amutou maolo, me ne amutou ma isa oto a mamauna na matane Salemo Tamane eitou. Moliana.

1 Tesalonaika 4:3

Masagana mine Salemo ei maido, ne amutou palea maolo. Me namutou taulele a matana inigogona sualolona vuso.

1 Tesalonaika 5:23

Salemo ei a vuna lilomeana, ei ni toe e amutou palea maolo vuso. Mei ni iteale kube a nunune amutou ma lilone amutou ma vovone amutou ne sou ma isa oto a mavaana na ilala Bibi Taula mine eitou Iesu Krais ni veteliu.

2 Tesalonaika 2:17

Me amiteu kake sulu ne sulu masagali a lilone amutou, me ne sulu buloi e amutou mu ogomuli iiti a inigogona vuso ma gunolina inade i doana.

1 Timoti 1:17

Ei a Mapana mina maladalada vuso. Ei ma matemate oto, me eitou ma mapigogoi ete neitou ite ei. Ei vululu moni ei e Salemo ivu. Maido me eitou vuso neitou taliuliu taliuliu bilii e ei a aisa buo me ei ni muina a munugana ivu. Moliana.

1 Timoti 5:10

mei isa a aisa maido, ei a tavine na gunolina matamatana pipigona i doana tomane itealena kube e natatune ei, ma biliina gona inani ma golu sanii usino na mosimosi, me loloina ubune sou a kristen, ma buloine sou a vanunua ma tavivine sou isa a mavaana, ma gunolina matamatana pipigona sanii i doana. O no niage moni a aisana matana buasasu simaido.

1 Timoti 6:16

Ei tasa moni ei ma matemate oto. Ei ugu na muada buo sele, me eitou ma mapigogoi ete neitou asu agavuale ei. A bibi tasa saboa ite ei, ma bibi tasa ei ma mapigogoi ete ni ite ei. Maido me taliuliu taliuliu eitou vuso neitou masalalai e ei, me ei ni isa a sagagalina vuso. Moliana.

2 Timoti 3:17

Maido ma inade li ei toe eitou a vanunua ma tavivine mine Salemo me neitou guale iiti a inigogona vuso i doana, me ei toe eitou masusulu a pipigona vuso i doana.

2 Timoti 4:18

Tomane moni Bibi Taula ni gualeliu e eau maino na inigogona vuso pagu sou kale ne sou goli le eau, me ei ni toe eau na ugu kuba, me ei ni maasi eau usino na avena minei na langi. Neitou beilange a aisane ei taliuliu taliuliu. Moliana.

Hibru 10:36

Namutou magili sagali, maido me amutou mapigogoi namutou ogomuli a masagana mine Salemo, me ne amutou guale a golugolu doana, lisa Salemo ei adegatunasobe ni bilii e amutou.

Hibru 12:23

Amutou diviosi na viepiluna mine sou a matalagu mine Salemo, ede sou a abuna Salemo ei niage a aisane sou na laulau minei oata na langi. Amutou diviosi ne Salemo ei vavasa a vanunua ma tavivine vuso. Amutou diviosi na nunu mine sou a bilesina vanunua, ede Salemo ei goli e sou palea kuba vuso.

Hibru 12:28

Niitealalena mine Salemo ei bilii e eitou, ei ni ma vuvule oto, maido me neitou toledadangi e Salemo. Me neitou beilange a aisane ei me neitou lae e ei me neitou totopatuliale ei na inigogona ei oto ei kale.

Hibru 13:16

Namutou ma danivusevuse lei a gunolina inigogona doana usino ne sou sanii ma biliina golu sanii mine amutou mina buloine sou so boto a golugolu. Salemo ei mongemonge sele a matana niabi do.

1 Pita 2:5

Maido me amutou tamai namutou palea tomane a vatu ei isa a maulina, me na sagalina mina Maolona Nunu Salemo ei ni toe amutou palea a luma minei oto Salemo ei tige a Maolona Nunu minei oto. Maido me namutou palea a abuna prist Salemo ei vileale minei oto, me na aisane Iesu Krais amutou mapigogoi ne mu bilii a maulina mine amutou usino ne Salemo tomane a niabi ei kale sele.

1 Pita 4:2

Maidolo me avala visa saboa ino na maulina minei, io ei ni ma ogomuliosi a masagana lilomumuguna. Ei ni ogomuli moni a masagana mine Salemo.

2 Pita 3:18

Iesu Krais, ei e Bibi Taula mine eitou ma Bibi na gualeliune eitou, ei dodode amutou, me amutou muada kuba e ei. Me ne amutou longo a dinodo mine Krais ni masagali e amutou, me namutou guale a muadana papaina lou ne ei. Ei isa a aisa buo sele, me neitou beilange a aisane ei seidei me taliuliu taliuliu. Moliana.

1 Ioanes 2:17

Magamaga li ei ni pulu, ma masagana pagu vuso mina magamaga ieli tamai ni pulu. Moni a bibi ei ogomuli a inade mine Salemo ei ni muina taliuliu taliuliu.

1 Ioanes 3:22

Mane eitou kake ei a golu tasa, io ei ni bilii e eitou, vuna eitou ogomuli a binea minei, me eitou goli a inigogona ei kale.

Iudas 1:25

Salemo tasa moni iedo ei ino, mei gualeliu e eitou na pipigona mine Iesu Krais, Bibi Taula mine eitou. Neitou beilange a aisane ei, ei ni muina a munugana mapana, mei isa a sagagalina buo, mei ni muina letena golugolu vuso. Lisasi, me seidei, mulimuli tamai ei ni muina moni simaido taliuliu taliuliu. Moliana.

Inade i Ovu 4:6

Masae na niugugu a mapana a golu tasa ino ei lagu tomane a dasi taula sou goli a glas, me ei muada sele tomane a kristal. Ma golu iva mauli sou magili balivua na niugugu a mapana me magili saiili odo. Golu iva sou isa a maulina do sou isa a mata makuba sou avisobe a vovone sou vuso masae me mamuli tamai.

Inade i Ovu 5:13

Me eau longe a inadenade mina golugolu vuso Salemo ei mapale, iede a golugolu ei ino na langi me na magamaga, me matano na magamaga me na dasi. E, a golugolu vuso ino mina aveavena vuso, eau longe sou vei maido, “Bibi iede ei ugugu na niugugu a mapana minei, me Natuna Sipsip tamai, sulu olu ne su guale a maibalavana vuso ma aisa buo ma masalalaina ma sagagalina buo i mapigogoi taliuliu taliuliu.”

Inade i Ovu 5:9

Me sou ale a inala alaba tasa maido, “Oo puiale sele no guale a laulau mo taulele a bulu na kandel vuso ei bulubulutole a laulau. Vuna, sou valiputemate oo, me na dalane oo oo oliliuale sou a vanunua ma tavivine mina abuna vanua vuso, me mina inadenade vuso, me mina matamatana vovo vuso, me mina avena buobuo vuso, ne sou bilii e sou oto usino ne Salemo.