Hibru 12:27 - Laulau na Vinalu mine Salemo

²⁷ Ei vei a ilala tasa lou, a malibuuna inade mina “Ilala tasa lou” i maido, ilala Salemo ei toe a magamaga ma langi ei vuvule, ei ni taulele a golugolu vuso ei mapale iedo me ne sou ma muine ete sou lou. Ma golugolu ei ma mapigogoi ete ni toe sou so vuvule, sou moni ni muine sou.

Hibru 12:27 ပူးပေါင်းရင်းမြစ်များ

Matiu 24:35

Langi pilu a magamaga ei ni buale, moni a inadegu ei ni ma buale oto.

Laulau Pol ei niage usino ne sou e Rom 8:19

Golugolu vuso Salemo i mapale, sou magitalitali a ilala natatune Salemo ne sou palea.

Laulau Pol ei niage usino ne sou e Rom 8:21

Na ilala Salemo i vileale, Salemo ei ni mapuli a mavovedavutina do mina mamauna seidei ieli, ma golugolu vuso ni doana sele pilu e eitou e natatune Salemo.

1 Korin 7:31

Ma vanua sou goli a pipigona a golugolu na magamaga, ne sou malu tomane a pipigona do ei a golu tasa i ma buo oto na maulina mine sou. Eitou muada, ma tabaa oto a magamaga ieli pilu a golugolu vuso minei ni pulu.

Hibru 1:10

Laulau mine Salemo ei vei lou maido, “Bibi Taula, sinokona o mapale a magamaga ieli me ei muina sagali. Me na limamu oto o mapale a langi tamai.

Hibru 13:14

Eitou muada, na magamaga ieli eitou ma isa oto a aubu buobuo tasa ei muina taliuliu. Moni eitou magitalitali a aubu buobuo do ei ni palea mulimuli.

Hibru 9:11

Moni seidei Krais ei asuosi usinani tomane a mapana prist mina golugolu vuso doana i paleasi. Ei galiosi ulilo na luma bale maolo ei doana sele me ei vululusi a luma bale maolo lisa. A bibi ei ma tige ete a luma do a limana, vuna ei a golu mina magamaga boa.

Inade i Ovu 11:15

Io a padiluana bineanea ei pusi a tuai minei, ma abuna ino na langi sou tola sagali maido, “Aveavena vuso buobuo na magamaga i paleasi a aveavena mine Bibi Taula mine eitou me Krais, ne sulu iteale sou. Me Bibi Taula ei ni muina a mapana taliuliu taliuliu.”

Inade i Ovu 21:1

Seidei eau ite a langi alaba ma magamaga alaba. Munugana langi ma munugana magamaga su bualevusosi. Ma dasi tamai bualevusosi.

Inade i Ovu 21:4

Ei ni saveitagase a matananu ne sou tastasa. Ma minate ei ni ma palea oto lou, me ne sou ma lilomavaa oto me ne sou ma tangi lou oto, me ne sou ma guale lei ete a davutina. Golugolu lisa sou odo sou pulu vuso.”

Inade i Ovu 21:5

Ma Bibi ei ugu na niugugu a mapana, ei ade maido, “Longe. Eau na toe a golugolu vuso sou palea alaba.” Me ei ade lou maido, “Oo niage utano a inade ie. Inade li ei patotona vuso mapigogoi a vanua vuso ne sou silimuli.”