Hibru 11:25 - Laulau na Vinalu mine Salemo

²⁵ Ei damutale, puiale ei ni guale a mavaana pilu e sou a vanunua ma tavivine mine Salemo. Ei ma kale ete ni ogomuli a inigogona mina sinusu mei ni guale a munonge na magamaga na ilala i boto moni.

Hibru 11:25 ပူးပေါင်းရင်းမြစ်များ

Matiu 13:21

Moni ei ma isa oto a aane ei, me ei muina sapa bisii moni. Ilala vanunua ma tavivine sou kale ne sou taupui a inade mine Salemo, sou bilii e ei a mavaana me sou toegegeli ei, io silimulina minei ei ni bosa asasi.

Malongolongona Kubaana mine Iesu Luk ei niage 16:25

“Moni e Abraham i vei, ‘Natugu, oo no damutale. Ilala oo mauli, oo guale a golugolu vuso doana minio. Me Lasarus ei guale a golugolu vuso pagu. Moni seidei na aubu ie lilone ei i doana. Me oo guale a davutina pagu buo.

Aposel 7:34

Eau itesi a inigogona pagu vuso sou goli le sou a abuna vanunua ma tavivine minau ne Isip. Eau longesi a tinangi mine sou, me seidei eau na asu utano me eau na gualeliu e sou na limane sou Isip. Maido me oo ilisi. Eau kale na peltase oo usino ne Isip.’

Laulau Pol ei niage usino ne sou e Rom 5:3

Me eitou ma mongemonge oto i ieli moni. Boa. Ne eitou monge e sou a mavaana i palea ne eitou tamai, vuna maido eitou muada, sou a mavaana ieli ei toesagali a lilone eitou.

2 Korin 5:17

Maidolo me mane a bibi tasa ei valitole Krais, io Salemo ni toe ei palea a bibi alaba ivu. Longe kube. Seidei inigogona mumugu ei puluvusosi, ma inigogona alaba ei paleasi.

Kolosi 1:24

Seidei eau mongemonge a tabulena mavaana mina buloine amutou. Eau kale na buloi a viepiluna kinaka mine Krais, ei a vovone ei oto. Davutina mine Krais mina buloina viepiluna kinaka, ei saboa pulu. Eau kale na tabule tamai a davutina mine Krais na vovogu oto me na mapuli sele.

2 Timoti 1:8

Maido me oo no ma maelaela lou a veipalena inade mine Bibi Taula mine eitou. Me oo no ma maelaela lou e eau, eau eili na luma na tunuui na pipigona mine Krais. Oo no guale a sagalina mine Salemo, mo no tabule a mavaana pilu e eau mina pipigona veipalena malongolongona kubaana.

Hibru 10:32

Ne amutou damutale lei a ilala lisa amutou guale a muada mine Salemo. Na ilala do sou bilii a mavaana buo usino ne amutou, me amutou tabule a mavaana makuba. Moni amutou magili sagaliosi a mavaana do.

Hibru 11:37

Sou a butu sou ubi e sou a vatu, me sou soeuti a mainine sou a so na maduna lua. Sou utimate sou a viso. Sou kai a uliulina sipsip ma meme tomane a malo me sou asu oovu moni usinosi. Sou boto a gona inani me sou vitolo sele, ma vanunua sou bilii e sou a davutina me sou goli a inigogona pagu sele usino ne sou.

Hibru 4:9

Maidolo me eitou muada, a manoana ei saboa ino ane sou a vanunua ma tavivine mine Salemo.

Iemus 1:20

Vuna, sinoana mina bibi ei ni ma mapale ete a bilesina inigogona mine Salemo.

Iemus 5:5

Na malada vuso amutou malu na magamaga, amutou guale a golu doadoana me amutou mongemonge. Amutou aani mamau ma aine amutou tubuosi na malada na valiputene amutou.

1 Pita 2:10

Lisa amutou ino a vanunua ma tavivine sabubu, moni seidei amutou ino a abuna vanunua ma tavivine mine Salemo. Lisa amutou ma guale ete a lilomulina mine Salemo, moni seidei amutou gualesi.

Inade i Ovu 18:7

Ei beilange a aisane ei oto me ei goli a matamatana inigogona toetavinevinena. Maido me namutou bilii e ei a davutina makuba me namutou matangi ei mapapaina, mapigogoi a inigogona pagu vuso minei. Ei ade e ei oto maido, ‘Eau eili a tavine a mapana. Eau ma buasu oto. Mavaana ni ma mapigogoi ete i palea le eau mea na tangi. Boa vuso sele.’