Hibru 11:13 - Laulau na Vinalu mine Salemo

¹³ Vanunua ieli sou silimuli e Salemo pea na ilala sou mate. Ilala sou eili na magamaga, sou ma guale ete a golugolu Salemo ei adegatunasobesi ni bilii e sou. Moni sou gegemu usino na golu vuso do ino bulago sele ane sou, me so monge a niitene sou. Me sou ma maela oto a ademuadana maido, “Amiteu malu na magamaga ieli tomane a vanunua ma tavivine mina avena sea. Amiteu asu usinani te malu bisii moni na magamaga ie.”

Hibru 11:13 ပူးပေါင်းရင်းမြစ်များ

Matiu 13:17

Eau vei patotona le amutou, lisa papaina mine sou a profet me sou a bilesina vanua sou isa a masagana buo na niitena golugolu seidei amutou ite, moni sou ma ite ete. Me sou isa a masagana buo na nilongena inadenade amutou longelonge sou ie, moni sou ma longe ete.”

Ioanes 12:41

Aisaia ei ite a aisa buo mine Iesu me ei goli a inade do ne Iesu moni.

Ioanes 8:56

Ilala tubune amutou e Abraham ei damutale a niitena malada minau ei mongemonge. Ma ilala ei itesi, lilona i kubaana sele.”

Laulau Pol ei niage usino ne sou e Rom 4:21

me ei muadasi i maido, Salemo ei mapigogoi ni goli tomane ei adegatuna ni goli.

Laulau Pol ei niage usino ne sou e Rom 8:24

Salemo i gualeliu e eitou, me seidei eitou silimuli me eitou magitali e ei ni toesesele ivu a golu doadoana ei kale ni bilii le eitou. Mane eitou vei neitou magitali a golu tasa, io eitou muada eitou saboa to guale. Mane a bibi ei gualesi a golu tasa, io posa matina ei magitali lei?

2 Korin 4:18

Eitou ma gemugemu oto usino ne sou a golu i mapigogoi neitou ite a matane eitou. Boa. Eitou gemu sagaligali usino na golugolu i ma mapigogoi ete neitou ite a matane eitou. Vuna a golu eitou iteite a matane eitou ei ni muina na ilala boto moni. Moni a golu sou doana i ma mapigogoi ete ne eitou ite a matane eitou odo ei muina taliuliu taliuliu.

2 Korin 5:6

Maido me eitou silimuli ieli me ei masagaligali a lilone eitou taliuliu. Eitou muada, ilala eitou saboa eili na vovo ie, eitou ma ino pilu oto e Bibi Taula na aubu minei.

Epesus 2:19

Maido me, seidei amutou ma tomane ete a mosi sou asu laulau maisaba. Boa. Amutou a abuna tasa moni pilu a vanunua ma tavivine mine Salemo. Amutou eili a abuna sele mine Salemo.

Hibru 11:14

Mane eitou longe a vanunua ma tavivine sou goli a matana inade maido, de eitou muada, sou kale ne sou veteliu usino na magamaga ivu mine sou.

Hibru 11:17

Salemo ei adegatuna ane Abraham maido, “Maino ne Aisak moni sou a abuna tubutubune natatumu ne sou palea.” Moni a ilala Salemo ei tove Abraham ni valipute e natune ei tasa moni iedo tomane a niabi, io Abraham ei silimuli e Salemo mei bilii e Aisak usino ne Salemo.

Hibru 11:27

Na silimulina moni, Moses ei ma lae oto a sinoana mine mapana me ei ilisitase Isip. Moni ei magili sagali sele, vuna Moses ei gemuale e Salemo eitou ma mapigogoi ete neitou ite na matane eitou.

Hibru 11:39

A vanunua ma tavivine vuso do sou silimuli e Salemo, me sou guale a aisa doana sele maino ne Salemo. Moni a ilala sou malu na magamaga, sou ma guale ete a golu Salemo ei adegatuna i ni bilii e sou.

1 Pita 1:1

Eau e Pita, a aposel mine Iesu Krais, eau niage a laulau li usino ne amutou a vanunua ma tavivine Salemo i vileale, amutou malu maisabasaba mina avena ne Pontus, Galesia, Kapadosia, Esia me Bitinia tomane a mosimosi.

1 Pita 1:17

Amutou vate e Salemo e “Euma.” Euma do ei ma kale levi ete eitou. Boa. Ei ite a inigogona mine eitou tastasa mei vilemuliale eitou. Maido me na ilala amutou malu na magamaga ie, namutou muada i maido, magamaga li ei ma aubu ivu oto mine amutou, me namutou tade moni e Salemo.

1 Pita 2:11

Tamtamaigu ivu, amutou eili na magamaga ieli tomane sou a vanunua mina avena seasea me tomane sou a mosimosi. Maido me eau vei sagali le amutou maido, namutou lametase a masagana vuso pagu mina lilomumuguna, iede sou maububi ana nunune amutou.

1 Ioanes 3:19

Mane eitou kale sele sou sanii sea, io neitou muada, eitou ogomuli a inade i patotona. Me muina mane a lilone eitou i vavasa ane eitou a golu tasa ue boa, neitou ugu a lilomeana na matane Salemo. Vuna Salemo i muada a golugolu vuso, ma muadana minei i seleuli a muadana ei eili na lilone eitou.