Hibru 10:26 - Laulau na Vinalu mine Salemo

²⁶ Longe. Mane eitou gualesi a muadana mina inade ivu mine Krais, me mulimuli na masagana mine eitou oto eitou toe susuisui a inigogona sinusu, io a niabi tasa lou boa ni taulele a sinusu ie.

Hibru 10:26 ပူးပေါင်းရင်းမြစ်များ

Malongolongona Kubaana mine Iesu Luk ei niage 12:47

“Bibi na pipigona i muadasi a masagana mina bibi buo minei, moni ei ma masusulu ete a golu me ei ma goli ete a masagana mina bibi buo, iede bibi buo ni valibili vaute sele ei.

Ioanes 13:17

Seidei amutou muadasi a damutatalana ivu mina inigogona eau goli, me mane amutou ogomuli kube, namutou mongemonge.

Ioanes 9:41

Me Iesu ei vei le sou maido, “Mane a matane amutou i ego, io namutou ma isa oto a mavaana mina sinusu. Moni amutou vei ve, ‘Matane amiteu i gemugemu,’ maido ma sinusu ne amutou i saboa nana ana.”

2 Tesalonaika 2:10

Me na aualana vuso na inigogona pagu ei ni auala ana vanunua ma tavivine do sou ogomuli a vea mina mamauna, vuna ilala Salemo i bilii e sou a inade ei patotona ni gualeliu e sou, moni sou ma kale sape ete a inade do.

1 Timoti 1:13

Ivu, lisa eau salaitavole a aisane ei, mea butuale ei me eau a bibi na toegegelina. Moni ei muada ilala eau goli a inigogona sou ie, eau ma muada kuba oto e ei, me eau ma silimuli ete ei. Maido me ei lilomuli e eau.

1 Timoti 2:4

Salemo ei kale ni gualeliu e sou a vanunua ma tavivine vuso, ve ne sou muada a masovana inade i patotona.

Iemus 4:17

Damutale kube. Mane oo muadasi i a inigogona tasa doana oo no goli, moni oo ma goli ete, iede o goli a sinusu.

1 Ioanes 5:16

Mane a bibi tasa ei ite tamaina kristen tasa i goli a sinusu, moni sinusu odo i ma mapigogoi ete ni toe a nunu mine tamaina do ni mate, io bibi iedo ni kake Salemo, me Salemo ni bilii a maulina iedo usino ne tamaina. Moni a matana sinusu i mapigogoi ni toe a bibi ni mate, mea ma vei ete namutou kaka a golu iedo.