Galesia 5:21 - Laulau na Vinalu mine Salemo

²¹ ma lilogegeluna, ma matalililina, ma toevautautana ma ngalavautana maisaba, ma matamatana inigogona maido. Lisa eau veiosi le amutou, me seidei eau ade lou ane amutou. Sou a vanunua sou goli a matana inigogona maido, ne sou ma mapigogoi ete ne sou gali ulilo na niitealalena mine Salemo.

Galesia 5:21 ပူးပေါင်းရင်းမြစ်များ

Matiu 25:34

“Io mapana ei ni vei le sou a vanunua ma tavivine ino na limane ei e gata maido, ‘Amutou isa a maibalavana mine Euma. Amutou asu usinani mu guale a maulina doana Euma ei masusulu mei vilealesi mine amutou soke na ilala magamaga i palea.

Malongolongona Kubaana mine Iesu Luk ei niage 21:34

“Moni amutou tilale, dae ne amutou inu maisaba taliuliu me amutou matalilili me amutou damutale mamai a golugolu mina vovo. Na malada mine Bibi Taula do ni palea asi sele ne amutou tomane sou oso na vuo.

Laulau Pol ei niage usino ne sou e Rom 13:13

Neitou asu bilesi tomane a bibi ei asu na oaso. Neitou ma toebibibi lei e eitou me neitou ma matalilili lou. Neitou ma goligoli lei a inigogona sualolona me neitou ma gele maisabasaba lou na inigogona i mumugu. Neitou ma maisinoa maisabasaba lou me neitou ma lilogegelugelu lou ana vanunua seasea.

Laulau Pol ei niage usino ne sou e Rom 8:13

Mane amutou ogomuli a inigogona mina lilomumuguna lisa, ne amutou mate. Moni mane na sagalina mina Maolona Nunu amutou valiputemate sou a inigogona mamau mina vovo, de ne amutou mauli.

1 Korin 15:50

Tamtamaigu, eau vei sagali le amutou, bibi mina magamaga ieli ei ma mapigogoi ete ni guale sou a golugolu doana mina niitealalena mine Salemo. Ma golu mina mamauna ei ma mapigogoi ete ni guale a golu i ma mamaumau oto.

1 Korin 5:11

Moni a vuna inade eau niage li ei maido. Mane a bibi tasa ei damu ve ei a kristen, ei goli a sualolona, ue ei isuale a golugolu mina vanua sanii, ue ei totopatuliale sou a salemo auala, ue ei aualala, ue ei inu mei matalilili, ue ei paaali a golu, io namutou ma ugu pilupilu lou e ei, me tamai, namutou ma aani pilupilu lou a matana bibi maido.

Epesus 5:18

Amutou ma inu mamaumau lou me mu matalilili. Umana. Matana inigogona maido, ei toegegeligeli e amutou. Moni namutou toe a Nunu mine Salemo ni vonu ne amutou.

Kolosi 3:6

Vuna moni ieli, sinoana mine Salemo ei agaviosi usino ne sou a vanunua sou ma ogomuli ete a inade minei.

1 Tesalonaika 5:7

Eitou muada, sou a vanunua na ngunolona sou ngolongolo na lodo, me sou a vanunua na matalililina sou ininu na lodo.

2 Tesalonaika 2:5

Ilala eau ino pilu e amutou, eau veiosi le amutou a golu iedo. Nane amutou danivusesi, io?

Hibru 13:4

Taulaina ei a golu tasa buo sele, maido me amutou vuso namutou tade sele a taulaina mine amutou, ne ei ni muina maolo sele na matane Salemo. Amutou muada, Salemo ei ni maliu a mapa pagu usino ne sou a vanunua ma tavivine sou goli a matamatana sualolona.

1 Pita 4:3

Avala asu mapigogoiosi e amutou ogomuli a inigogona lilomumuguna tomane a vanunua masala sou goli, iede sou a inigogona sualolona, ma mailisina golugolu pagu, ma inigogona matalilili, ma inani papai sele ma niinuna nanu sagaligali makuba, ma gunolina inigogona mamau, ma kinaka ane sou a salemo auala.

Inade i Ovu 21:27

Moni a golugolu ei mumugu ma vanua sou goli a matamatana inigogona pagu ma vanua mina adeaualana, ne sou ma mapigogoi ete ne sou gali ulilo na aubu buobuo do. Boa vuso sele. Vanunua ma tavivine, aisane sou ino na laulau mina maulina, iede a laulau mine Natuna Sipsip, sou moni sou mapigogoi ne sou gali ulilo na aubu buobuo do.

Inade i Ovu 22:15

Moni a vanunua pagu tomane a busebuse ma vanunua sou goligoli a milolo ma vanunua sou goli a inigogona sualolona ma vanunua sou valiputemate a vanua sea ma vanunua sou totopatuliale sou a salemo auala ma vanunua sou kale a inigogona mina aualana me sou ogomuli, a vanunua sou odo ne sou muine sou sala na aubu buobuo mine Salemo.