Epesus 6:9 - Laulau na Vinalu mine Salemo

⁹ Me amutou a itealalena, amutou tamai namutou goli a inigogona i tasa moni ane sou a vanua na pipigona sabubu mine amutou. Namutou ma toenilae ete sou. Namutou muada, Bibi Taula ei ino na langi ei e Bibi Taula mine amutou ma Bibi Taula mine sou tamai, ei vilemuliale iiti a inigogona mina vanunua ma tavivine vuso na inigogona tasa moni.

Epesus 6:9 ပူးပေါင်းရင်းမြစ်များ

Matiu 22:10

Ei vei maido, ma vanua na pipigona do sou asu maisaba na vea vuso me sou viepili a vanunua ma tavivine vuso sou ite, sou a vanunua pagupagu pilu a vanunua doadoana. Me sou asu usinani me sou ugu a inani, ma luma i vonu sele.

Matiu 22:8

“Ma mapana ei vei le sou a vanua na pipigona minei maido, ‘Inani mina taulaina ei masusuluosi, moni a vanunua eau toleale sou, sou ma kubaana vanua oto mapigogoi ne sou asu usinani na inani ie.

Matiu 24:48

Moni mane a bibi na pipigona do ei a bibi pagu mei damu i na lilone ei, ‘Bibi buo minau ei ni ma asu asi oto usinani,’

Matiu 24:51

Ma bibi buo ei ni toegegeli sele a bibi na pipigona do, mei ni tau ei na avena tasa pilu e sou a vanua na aualana. Na avena do ne sou tangigegelu me sou gado kasesele a livone sou.

Matiu 7:12

Inigogona vuso amutou kale ne sou a vanunua ma tavivine ne sou goli le amutou, sou a inigogona moni maido ne mu goli le sou. Ieli a vuna inade mina binea me sou a profet.

Malongolongona Kubaana mine Iesu Luk ei niage 6:31

Amutou goli usino ne sou tomane amutou kale ne sou goli usinani ne amutou.

Ioanes 13:13

Amutou tole eau a bibi na matetengina ma Bibi Taula. Ei patotona simaido. Eau oto a bibi na matetengina me eau Bibi Taula mine amutou.

Aposel 10:34

Io Pita vei maido, “Patotona sele, seidei eau muada, Salemo ei goli a inigogona tasa moni usino ne sou a vanunua ma tavivine na abuna vuso.

Laulau Pol ei niage usino ne sou e Rom 2:11

Vuna maido Salemo ei vivileale a vanunua ma tavivine vuso na matana inigogona tasa moni.

1 Korin 1:2

amilu niage a laulau ieli usino ne amutou a vanunua ma tavivine mina viepiluna kinaka mine Salemo ino ne Korin. Krais Iesu ei toe e amutou palea maolo, me ei vileale amutou minei oto. Ei vileale amutou pilu a vanunua ma tavivine mina aveavena vuso sou toleale a aisane Iesu Krais, e Bibi Taula mine eitou. Ei e Bibi Taula mine sou me mine eitou tamai.

1 Korin 7:22

Moni a bibi ei ugu a bibi na pipigona sabubu na ilala Salemo ei toleale ei, io seidei ei mine Bibi Taula me na matane Bibi Taula ei ma ugu otosi a bibi na pipigona sabubu. Tomane moni, a bibi ei ugu malamala na ilala Bibi Taula ei toleale ei, io seidei ei palea a bibi na pipigona sabubu mine Krais.

Kolosi 3:25

Sei bibi ei goli a inigogona pagu, ei ni guale a mapa mina inigogona pagu ei goli iedo. Salemo ei vivileale a inigogona mina vanunua ma tavivine vuso na matana inigogona tasa moni.

Kolosi 4:1

Amutou a vanua na itealalena mine sou a vanua na pipigona, namutou maite a inigogona doana me bilesi usino ne sou. Amutou muada, amutou tamai mu isa a Bibi na itealalena ino na langi.

Iemus 2:13

Mane a bibi tasa ei ma lilomuli ete sou sanii, de na malada Salemo ni vivileale ei na vavasana, Salemo ni ma lilomuli ete ei. Moni a bibi ei lilomulimuli e sou a vanunua sanii ei ni vululusi a vavasana.

Iemus 2:8

Laulau mine Salemo ei bilii e eitou a binea tasa maido, “Oo no kale sele sou a vanunua sea tomane oo kale oo oto.” Mane amutou ogomuli iiti a binea ieli, de amutou goli a inigogona doa.

Iemus 5:4

Longe kube. Sou a vanunua na pipigona sou lulusi a gona inani na mauma mine amutou, moni amutou auala ane sou me mu sautole liu a mapa ne sou. Ma mapa amutou sautole liu iodo, ei tola ane Salemo ni adoliu a inigogona pagu mine amutou. Ma tinola mine sou a vanunua na pipigona do, ei paleasi na tagilane Bibi Taula ei isa a sagagalina vuso.