Epesus 6:17 - Laulau na Vinalu mine Salemo

¹⁷ Namutou damutaletale Salemo ei gualeliuosi e amutou, ei tomane a letepolona maubina amutou kai. Ne amutou lapitole a viso na Maolona Nunu, ede a inade mine Salemo.

Epesus 6:17 ပူးပေါင်းရင်းမြစ်များ

Matiu 4:4

Moni e Iesu ei maliu a inade maido, “Laulau mine Salemo ei isa a inade maido, ‘Vanunua ma tavivine sou ma mapigogoi ete ne sou mauli a gona inani moni, boa. Moni ne sou mauli a inadenade vuso maino na asene Salemo.’”

Matiu 4:7

Moni e Iesu ei vei lei, “Laulau mine Salemo i vei lou maido, ‘Oo ma tovetove lei e Salemo, Bibi Taula minio.’”

Epesus 5:26

Na nanu me na inade minei, Krais ei maavuvuti a viepiluna kinaka, me ei toe ei i palea maolo na matane ei. Na inigogona li, ei vileale a viepiluna kinaka i minei oto.

1 Tesalonaika 5:8

Moni eitou a vanunua mina malada, maido me damutatalana mine eitou ni muada. Neitou labetole a kinainai a bras mina silimulina ma kinale, me neitou kai a letepolo na maubina mina magitaline Salemo ni gualeliu e eitou.

Hibru 4:12

Inade mine Salemo ei isa a maulina, me ei pipigo sagali. Ei binaso mamau lou ana viso ei isa a binasona lua. Inade ieli ei iububi a bibi me ei gali ulilo oto sele. Ei asu palea bilesi na buune eitou ma nunune eitou, me na avena masoosoona dolo ma augu mavona ma tuatua sou maidama pilu. Maido me ei muada kuba iiti a damutatalana vuso ma masagana mina lilone eitou.

Hibru 6:5

Sou tovesi a inade mine Salemo, me sou muada a inade dolo ei kubaana sele. Sou somialesi tamai a sagagalina mine Salemo ei ni palea ilala mulimuli.

Inade i Ovu 1:16

Ei sautole a mataidoido padilua na limana e gata. Ma viso tasa ei isa a matana i lua i binaso sele ei palea usala na asene ei. Ma laguna i lada sele tomane a oaso i lada mamau sele.

Inade i Ovu 12:11

Tamtamaine eitou sou guale a sagagalina maino na dalane Natuna Sipsip ma inade mine sou so veipale i. Me Satan ei kale ni valiputemate sou, moni sou ma mailengi ete a maulina mine sou. Na inigogona do sou vululusi a maubina me sou taupui e Satan.

Inade i Ovu 19:15

A viso tasa ei binaso sele, ei palea usala na asena, na viso do ei ni taupui a vanunua ma tavivine mina abuna vuso. Ei ni lapitole a butu a ain mei iteale sagali e sou. Me ei ni soetole a vuavua na vain na taogo a vatu buo ei matailale a lilotivulana buo mine Salemo ei isa a sagagalina vuso.

Inade i Ovu 2:16

Maido me oo no sauvule a lilomu. Mane boa, ma tabaa oto eau na asuale oo, mea na maubi ane sou a vanua do a viso i eili na asegu.