Epesus 5:19 - Laulau na Vinalu mine Salemo

¹⁹ Namutou maiadepilu a vanunua ma tavivine mine Salemo pilu a inala mina Laulau na Inala, ma inalana kinaka, me na inalanala mina Maolona Nunu. Ne amutou ale a inalanala usino ne Bibi Taula, na asene amutou pilu a lilone amutou tamai.

Epesus 5:19 ပူးပေါင်းရင်းမြစ်များ

Matiu 15:8

‘Sou a abuna vanunua ma tavivine do sou beilangelange a aisagu na asene sou, moni a lilone sou ma damutatalana mine sou ei ino bulago sele ane eau.

Matiu 26:30

Io sou ale a inala tasa, me sou asu usino na loena e Oliv.

Aposel 16:25

Na lodo punosa Pol pilu e Sailas su kaka me su ala ane Salemo. Ma vanunua sanii sou ugu tamai na luma na tunuui sou longe sulu alaala.

1 Korin 14:15

Maido me eau na goli a sava? Eau na kaka na nunugu pilu a inade eau muade i. Eau na ale a inala na nunugu pilu a inade minau tamai.

1 Korin 14:26

Maido me amutou tamtamaigu, namiteu vei a sava? Ilala amutou viepilu amutou vuso, amutou isa a inala ma inade mina matetengine sou sanii, me amutou sanii isa a inade ovu, me sanii sou isa a inade mina inade tasa sea, me sanii sou isa a pipigona mina sauvulena inade ie. Golugolu vuso amutou goli, namutou goli mina toesagalina viepiluna kinaka.

Kolosi 3:16

Namutou toe a inade mine Krais ni vonu lilo ne amutou. Amutou tastasa ne amutou matetengi e sou a kristen sea, me mu biliilii a damutatalana kuba ma muadana usino ne sou, ne sou goli a inigogona doana moni. Namutou toledadangi e Salemo na lilone amutou, ne amutou ale ane Salemo a inalanala mina Laulau na Inala, me sou a inala mina kinaka, ma inala a Maolona Nunu ei mapale na lilone amutou.

Iemus 5:13

Mane tasa mine amutou ei tabule a mavaana, de ei ni kake Salemo. Mane tasa mine amutou ei mongemonge, de ei ni ale a inala na masalalai ne Salemo.

Inade i Ovu 5:9

Me sou ale a inala alaba tasa maido, “Oo puiale sele no guale a laulau mo taulele a bulu na kandel vuso ei bulubulutole a laulau. Vuna, sou valiputemate oo, me na dalane oo oo oliliuale sou a vanunua ma tavivine mina abuna vanua vuso, me mina inadenade vuso, me mina matamatana vovo vuso, me mina avena buobuo vuso, ne sou bilii e sou oto usino ne Salemo.