Epesus 4:6 - Laulau na Vinalu mine Salemo

⁶ Salemo tasa moni ino, ei e Tamane eitou vuso. Ei oata oto ane a vanunua ma tavivine vuso, me ei pipigo balivua na vanunua ma tavivine vuso, me ei ino lilo ne amutou vuso.

Epesus 4:6 ပူးပေါင်းရင်းမြစ်များ

Matiu 6:13

Oo no ma itetasetase lei e amiteu namiteu bosa na tinovo, moni gualeliu e amiteu maino na golugolu pagu.’

Matiu 6:9

“Maidolo me namutou kaka maido, ‘Tamane amiteu, oo tubu na langi, aisamu ei ni muina maolo.

Ioanes 14:23

Me Iesu ei adeliu ane ei maido, “Mane a bibi tasa ei kale sele eau, ei ni ogomuli iiti a inade minau. Me Euma ei ni kale a bibi iedo. Me ne amilu asu usino ne ei me nami ugu pilu e ei taliuliu taliuliu.

Ioanes 17:26

Eau mapale a aisamu usino ne sou, me eau na mapalesui lei, ne sou goli a inigogona kinale usino ne sou a vanunua, tomane oo kalekale eau me eau tamai ea na muigu pilu e sou.”

Ioanes 20:17

Me Iesu ei vei lei maido, “Oo ma lapitoletole lei eau, vuna maido eau saboa asu uata ne Euma. Moni o no asu usino ne sou e tamtamaigu me no vei ane sou maido, eau na asu uata ne Euma, Tamane amutou. Me eau na veteliu usino ne Salemo minau me Salemo mine amutou.”

Laulau Pol ei niage usino ne sou e Rom 11:36

Salemo oto ei mapale a golugolu vuso, me ei a vuna golugolu vuso. Ma golugolu vuso ei minei tasa moni. Eitou neitou beilange a aisane ei taliuliu taliuliu. Moliana.

1 Korin 12:6

A matamatana inigogona ino mina gunolina pipigona, moni e Salemo tasa moni ei bilii a sagalina usino ne sou a vanunua ne sou goli a pipigona vuso ie.

1 Korin 8:6

moni eitou isa e Salemo tasa moni, ei e Salemo Tamane eitou. Ei a vuna golugolu vuso, me eitou a vanunua ma tavivine minei bilesi. Me Bibi Taula tasa moni ino, ei e Iesu Krais. A golugolu vuso palea maino ne ei, me ne ei moni eitou mauli.

2 Korin 6:16

Luma mine Salemo pilu a luma na kinaka mine sou a salemo auala, ne sulu magili pilu matina? Amutou muada, eitou oto eitou a luma mine Salemo ei muina taliuliu, tomane lisa Salemo i vei, “Eau na muigu pilu e sou me eau asu balivua ne sou. Me eau na muigu Salemo mine sou me ne sou muina a abuna vanunua ma tavivine minau.”

Epesus 1:21

Maido me Krais ei ugu oata oto sele, ane a matamatana nunu i sagali ma munuganuga vuso me sou a vanunua na niitealalena aveavena ma golugolu vuso ei isa a sagagalina. Ei ino muata na vanunua vuso, sou isa a aisa seidei na malada ie me mina malada mulimuli tamai.

Epesus 2:22

Amutou tamai mu valitole e Krais, me Salemo ei tigepili e amutou pilu e sou sanii, ne amutou vuso palea a luma ivu mine Salemo, ma Maolona Nunu mine Salemo ni malu na luma do.

Epesus 3:17

me na silimulina mine amutou, Krais ei ni malu na lilone amutou. Ma inigogona kinale sele ne sou sanii, ei ni palea sagali sele lilo na lilone amutou tomane a magamaga ei lapitole obi a aana obu me ei toe a obu ni magili sagali.

Epesus 6:23

Salemo Tamane eitou pilu e Bibi Taula Iesu Krais, ne sulu toemea a lilone amutou vuso tamtamaigu, me ne sulu toe e amutou ne mu silimuli sele, me ne mu kale sele sou sea.

1 Ioanes 3:24

Mane sei bibi i ogomuli a binea mine Salemo, de ei valitole e Salemo, me Salemo i valitole e ei. Salemo i bilii e eitou a Maolona Nunu, ma Nunu odo i maite eitou maido, Salemo i eili pilu e eitou.