Aposel 10:38 - Laulau na Vinalu mine Salemo

³⁸ Amutou muada, Salemo ei vileale Iesu mine Nasaret, me ei bilii e ei a Maolona Nunu ma sagagalina buo. Me Iesu i asu usino na aubu vuso mei buloi a vanunua ma tavivine mei toekube sou a vanua nunu pagu ei toegegeli e sou, vuna Salemo ei ino pilu e ei.

Aposel 10:38 ပူးပေါင်းရင်းမြစ်များ

Matiu 12:15

Iesu ei muada a golu sou e Parisi sou kale ne sou goli le ei. Maido me ei ilisitase a aubu odo. Vanunua ma tavivine makuba sou ogomuli e ei, me ei toekube a vanunua ma tavivine vuso sou isa a sinobe.

Matiu 12:28

Moni mane a Nunu mine Salemo ei buloi e eau mea taulele sou a nunu pagu, io ne amutou muada, niitealalena mine Salemo ei sibitalasi usinani ne amutou.

Matiu 9:19

Me Iesu ei ilisi mei ogomuli e ei usino, me sou a disaipel minei sou asu pilu.

Matiu 9:35

Iesu ei asu gaga na aubu buobuo vuso ma aububuna banini. Ei matetengi e sou a vanunua ma tavivine lilo na luma na kinaka mine sou e Iuda. Ei veipale a malongolongona kubaana mina niitealalena mine Salemo, mei toekube sou a matamatana sinobe ino na vovone sou.

Malongolongona Kubaana mine Iesu Mak ei niage 6:6

Me ei damutatala papai e sou a vanunua ma tavivine sou ma silimuli ete ei. De Iesu ei gaga na aububuna avena do, mei bilii a inade mine Salemo usino ne sou a vanunua ma tavivine.

Malongolongona Kubaana mine Iesu Luk ei niage 3:22

ma Maolona Nunu i sivo utano ne ei tomane a manu a kuau. Me maino na langi a tinola tasa i tola maido, “Oo e natugu. Eau kale sele oo. Lilogu ei mongemonge e oo.”

Malongolongona Kubaana mine Iesu Luk ei niage 4:18

“Maolona Nunu mine Bibi Taula ei eili pilu e eau, vuna Bibi Taula ei singi a wel na letegu na malongo a malongolongona kubaana usino ne sou a kapelabe. Me ei peltase eau na veipale a malamalana usino ne sou ino na luma na tunuui, me eau na toekube sou a mata ego ne sou gemu lou. Ei peltase eau usinani mina taulelena mavaana i palea maino mine sou sanii.

Malongolongona Kubaana mine Iesu Luk ei niage 9:42

Ma ilala bibaini ei asu agavuale Iesu, nunu pagu odo i lange ei utano me ei toe ei palili mamau sele. Moni e Iesu i adesinoa ana nunu pagu odo, me ei toekube a bibaini me ei bilii liu e ei usino ne tamana.

Malongolongona Kubaana mine Iesu Luk ei niage 9:56

Me sou asu usino na aubu tasa sea.

Ioanes 10:32

Me Iesu ei vei le sou maido, “Eau maite e amutou a pipigona doana makuba mine Euma. Moni, vuna matina amutou kale namutou ubi eau a vatu?”

Ioanes 16:32

Ilala ei agaviosi mei sibitalasi ne amutou vuso mu oava maisaba usino na aubu mine amutou. Me eau na muigu vululu moni. Moni eau na ma muigu vululu oto moni, vuna Euma eili pilu e eau.

Ioanes 3:2

Ei asuale Iesu na lodo, mei vei lei maido, “Magiligilina, amiteu muada, Salemo ei peltase oo usinani tomane a bibi na matetengina. Mane Salemo ei ma pilu oto a bibi tasa, io ei ni ma mapigogoi ete ni goli a gona sinaga oo goli e sou ie.”

Ioanes 3:34

Bibi e Salemo i peltase usinani iodo, ei ademuade a inade mine Salemo, vuna Salemo i iabi vuse a Maolona Nunu utano minei.

Ioanes 6:27

Amutou ma pipigopigo lou a gona inani ni mamau. Boa. Namutou pipigo a gualena gona inani i muina taliuliu taliuliu. Matana gona inani ieli, Natuna Bibi ei ni bilii e amutou. Salemo Tamana ei biliiosi ei a sagagalina mina pipigona do.”

Aposel 10:37

Amutou oto mu muada i, tauluna ilala Ioanes ei veipale a inade na vanunua ne sou guale a maavuvutuna, malongolongona kubaana odo ei soke na avena ne Galili, me mulimuli ei palea na aububuna vuso mina avena vuso ne Israel.

Aposel 2:22

“Amutou vanunua mine Israel, amutou longe iiti a inadegu. Eau kale na vei le amutou e Iesu maino ne Nasaret. Amutou oto mu muada a pipigona sagali ma matamatana gona sinaga Salemo ei goli balivua ne amutou na limane a bibi ie. Salemo ei goli maido ne amutou muada i, ei oto i peltase a bibi iede usinani.

Hibru 1:9

O kalekale moni a inigogona bilesi, me oo ma kale sape ete a inigogona pagu. Maido me Salemo minio oto ei singi a wel mina munongena muata ne oo, na inigogona iedo ei maite maido oo a mapana, me oo vululusi e tamtamaimu vuso.”

1 Pita 5:8

Namutou masusulu me mu ulago kuba. Satan, a butu mine amutou odo, ei tomane a laion ei alabangenge sagali. Taliuliu ei gagaga mina tilomulina vanunua ma tavivine mina busongene sou.

1 Ioanes 2:20

Krais ei singi a Maolona Nunu muata ne amutou, me amutou vuso mu muadasi a patotonana inade.

1 Ioanes 3:8

Soke na ilala lisa otosi, Satan ei goligoli a sinusu taliuliu, maido me a bibi ei goligoli a sinusu ei a bibi mine Satan. Maido me Natune Salemo ei paleasi ni taulele vuse a pipigona mine Satan.