3 Ioanes 1:6 - Laulau na Vinalu mine Salemo

⁶ Tamtamaimu sanii sou mapamuli ane sou a vanunua ma tavivine mina viepiluna kinaka a inigogona kinale vuso minio usino ne sou. Ma malada sou kale ne sou asu lou, ei ni doana sele, mane oo no langetase sou pilu a golugolu sou kale. Oo no buloi e sou a vea Salemo oto ei mongemonge i.

3 Ioanes 1:6 ပူးပေါင်းရင်းမြစ်များ

Aposel 15:29

Namutou ma aniani lei a golu vivi sou valipute mina gunolina niabi ane sou a salemo auala. Me namutou ma aniani lei a golu vivi i isa a daladala, me amutou ma aniani lei a golu vivi a vanunua sou papale a loona me sou mate. Me namutou asuleletase a matamatana inigogona mina sualolona. Mane amutou iteale kube amutou me mu asuleletase a inigogona sou iede, ei ni kubaana. Inade mine amiteu ei simaido moni. Amutou ugu kuba.

Aposel 15:3

Sou a kristen sou peltase sou usino, me sou asu usino balivua na avena ne Ponisia me Samaria. Sou ademuada ane sou a kristen mina avena lua do e Salemo ei sauvuvule a lilone sou a vanunua ma tavivine mina abuna sea. Sou a kristen sou longe a inade do, ma lilone sou ei puiale sele.

Aposel 21:5

Na ilala kuta i kale ni ilisitase Tair, sou a disaipel pilu e natatuna me susune sou, sou langetase amiteu usala na aubu do. Lau na mado amiteu totopatulu me amiteu kaka.

Laulau Pol ei niage usino ne sou e Rom 15:24

Maido na ilala eau asu usino na avena buo Spein, eau damu ve eau na asu muga usino na ite amutou, me mulimuli eau na asu usino ne Spein. Eau na mongemonge a niitene amutou ma niugu sapa pilu e amutou. Me mulimuli eau kale ne amutou buloi e eau a inasu usino ne Spein.

Pilipai 4:14

Moni eau mongemonge a inigogona amutou goli mina buloine eau, vuna amutou damutale a maitamaina pilu e eau, na malada eau tabule a mavaana, me amutou goli a inigogona doana ie.

Kolosi 1:10

Maido me amutou mapigogoi namutou malu na maulina mine Bibi Taula e Iesu, me ne amutou toe mongemonge e Salemo na inigogona vuso, me ne amutou goli a matana pipigona kubaana makuba, me ne amutou muada e Salemo, ma muadana iedo ni palea buo lou taliuliu.

1 Tesalonaika 2:12

Maido me, amiteu ade a inade mina masagalina lilone amutou me mina tolilimene amutou. Me amiteu ademuada ane amutou namutou asu na inigogona ei bilesi na matane Salemo oto, ei toleale amutou ulilo na niitealalena ma malasana buo minei.

Taitus 3:13

Oo no iteale kube Apolos me Senas ei a bibi na muadana binea. O no buloi e sulu a golugolu mina inasuna, me ne sulu ma boto oto a golu tasa na malada su asu na vea.

1 Pita 2:20

Mane amutou goli a inigogona pagu me sou valibili e amutou me amutou tabule a davutina do, ne amutou guale a sei golu na golu ie? Moni mane amutou goli a inigogona doana me sou valibili e amutou me amutou tabule a davutina do, io Salemo ei ni maibalave amutou.

3 Ioanes 1:12

Vanunua vuso sou veipale a inigogona kubaana mine Demitrius. Ma inade ivu mine Salemo tamai i veipale a inigogona kubaana minei. Me amiteu tamai amiteu veipale a inigogona doana minei, me oo muada a inade mine amiteu i patotona.