2 Tesalonaika 3:11 - Laulau na Vinalu mine Salemo

¹¹ Moni seidei amiteu longe a inade ve sanii ne amutou sou ugu sabubu moni. Sou ma goli ete a pipigona tasa. Sou ade sabubu moni a golugolu vuso mine sou a vanunua sanii, iede a golu mine sou boa.

2 Tesalonaika 3:11 ပူးပေါင်းရင်းမြစ်များ

Epesus 4:28

Vanunua na paaalina sou ne sou ma paaaliali asa. Boa. Moni ne sou goli a pipigona kubaana na limane sou oto ne sou buloi a vanunua sou boto a golugolu.

1 Tesalonaika 4:11

Tomane lisa amiteu vei le amutou, namutou ugu vale moni me mu goli a pipigona mine amutou oto moni. Namutou pipigo na limane amutou oto me amutou mapigogoi namutou iteale amutou oto.

2 Tesalonaika 3:6

Tamtamaigu, na aisane Iesu Krais, Bibi Taula mine eitou, amiteu ade sagali ane amutou maido, mane tamaine eitou kristen sanii sou ugu sabubu moni me sou ma ogomuli ete a inade amiteu bilii e sou odo, io namutou ugu bulagetase sou.

1 Timoti 5:13

Ma inigogona sanii lou sou goligoli i maido, sou bale bububu me sou gaga maisabasaba na lumaluma mine sou sanii. Me sou ma goli moni ete a inigogona binale moni. Boa. Sou kale mamaimai ne sou longe a inade na golugolu a vanunua ma tavivine sanii sou goli, me sou gaga, me sou poipoi e sou. Maido me sou goli a inade papaina ei ma bilesi oto.

1 Pita 4:15

Mane amutou isa mavaana namutou tilale, dae a mavaana ei ni asu maino na valiputematena bibi ue paaalina ue a matamatana inigogona pagu ue toemaisabena pipigona mine sou sanii.