2 Tesalonaika 1:6 - Laulau na Vinalu mine Salemo

⁶ Salemo ei goli a inigogona bilesi moni. Ei ni maliu a mavaana usino ne sou a vanunua sou bilii e amutou a mavaana.

2 Tesalonaika 1:6 ပူးပေါင်းရင်းမြစ်များ

Kolosi 3:25

Sei bibi ei goli a inigogona pagu, ei ni guale a mapa mina inigogona pagu ei goli iedo. Salemo ei vivileale a inigogona mina vanunua ma tavivine vuso na matana inigogona tasa moni.

Hibru 6:10

Salemo ei bilesi moni, me ei ni ma danivuse ete a pipigona doana amutou goli me a kinale amutou maite e ei a buloina e sou a vanunua ma tavivine minei, me amutou saboa nana mu goligoli maido.

Inade i Ovu 11:18

Vanunua masala sou sinoa sele, moni a ilala minio na lilotivulana ei paleasi. Seidei ei a ilala mine sou a vanunua sou matesi ne sou palea na vavasana minio. Seidei ei a ilala mina biliina mapa doana usino ne sou a vanunua na pipigona minio, iede sou a profet, me sou a vanunua ma tavivine minio, me sou a vanunua vuso sou lae e oo, iede sou a vanunua sou isa a sagagalina ma vanunua sou sabubu tamai. Seidei a ilala mina toegegeline sou a vanunua sou toegegeli a magamaga.”

Inade i Ovu 15:4

Bibi Taula, oo tasa moni oo maolo. Maido ma vanunua ma tavivine vuso ne sou lae e oo me sou beilange a aisamu. A abuna vanunua vuso ne sou asu usinani me sou totopatuliale oo. Vuna, a inigogona bilesi minio ei palea muadasi.”

Inade i Ovu 18:20

Oo a langi pilu a vanunua ma tavivine mine Salemo, me amutou a aposel me amutou a profet, amutou vuso namutou mongemonge a golu seidei ei palea na aubu buobuo do. Salemo ei maliuosi a inigogona pagu vuso a aubu buobuo do ei goli le amutou.’”

Inade i Ovu 18:24

Sou poge a daladalane sou a profet ma vanunua ma tavivine mine Salemo me sou a vanunua ma tavivine vuso sou mate na magamaga lilo na aubu buobuo e Babilon.”

Inade i Ovu 19:2

Vavasana mine Salemo ei patotona me ei bilesi vuso. Salemo ei maliuosi a mapa pagu usino na sualolona tavine buo ei toegegeli a vanunua ma tavivine na magamaga a inigogona sualolona minei. Tavine ieli ei isa tamai a sinusu mina valiputematene sou a vanunua na pipigona mine Salemo, me Salemo ei adovesi a sinusu minei iedo.”

Inade i Ovu 6:10

Sou a nunu odo sou tola sagali maido, “Mapana Buo mina golugolu vuso, oo maolo, ma inigogona minio ei patotona sele. Mavisa namiteu magitali, me oo no vavasa ane a vanunua ma tavivine na magamaga, me oo no maliu a dalane amiteu usino ne sou?”