2 Korin 6:11 - Laulau na Vinalu mine Salemo

¹¹ Tamtamaigu ne Korin, amiteu ademuada ane amutou, me amiteu bilii a lilone amiteu buo lou usino ne amutou.

2 Korin 6:11 ပူးပေါင်းရင်းမြစ်များ

Aposel 18:1

Mulimuli Pol ei ilisitase Atens mei asu usino ne Korin,

Aposel 18:8

Munuganuga na luma na kinaka mine sou e Iuda, ei a bibi tasa aisana e Krispus. Ei pilu e sou minei vuso, sou silimuli e Bibi Taula. Ma vanunua ma tavivine papaina ne Korin sou longe a inade ne Pol, me sou tamai sou silimuli me sou guale a maavuvutuna.

2 Korin 12:15

Me eau na mongemonge moni a niabina golu vuso minau mina buloine amutou, eau na oabi a maulina minau tamai. Eau biliilii mamai a lilogu usino ne amutou, nane amutou bilii a lilone amutou bisii moni usinani minau? Boa vuso sele.

2 Korin 2:4

Ivu, ilala eau niage a laulau usino ne amutou, eau lilomomolu gegelu sele ma lilogu ei isa a mavaana buo sele ma matananugu i kokolo. Moni eau ma niage ete a laulau ieli mina biliine amutou a mavaana. Boa. Eau niage ne amutou muada i maido, eau kale mamai sele amutou.

Galesia 3:1

Amutou e Galesia, amutou a vautana vanunua! Amiteu maitesi e Iesu Krais e amutou me a matane amutou oto i ite Iesu Krais ei kulu oata na tauvaleuti. Sei seidei ei toemaisabe a damutatalana mine amutou?

Galesia 4:12

Eau tagi sagali e amutou tamtamaigu namutou palea tasa moni tomane eau. Vuna eau asutase a binea me eau palea tasa moni tomane amutou. Me pea na malada iedo amutou ma goli ete a sinusu tasa usinani minau.

Epesus 6:19

Me namutou kaka tamai agu maido, Salemo ni tau a inade na asegu, mea na taupui a nilae, mea na veimuade sele a inade ovu mina malongolongona kubaana.

Epesus 6:8

Amutou muada, mane a bibi tasa ei goli a pipigona doana, de Bibi Taula ni bilii a mapa doana usino ne ei, golu tasa boa bibi iede ei a bibi na pipigona sabubu ue ei malamala.

Pilipai 1:8

Salemo ei muada i maido, eau kale mamai sele amutou vuso a kinale mine Krais Iesu.

Pilipai 4:15

Me amutou a vanunua ma tavivine mine Pilipai, amutou oto mu muada i maido, malada eau soke a pipigona mina veimuadena malongolongona kubaana, mea ilisitase a avena ne Masedonia, viepiluna kinaka tasa boa sou maitamaina pilu e eau mina buloine eau a vatu ue sei golu, amutou moni amutou buloi eau, simaido.

Inade i Ovu 22:12

Iesu ei vei maido, “Longe. Eau na asu asi usinani. Me eau na maasi a mapa mina biliine sou a vanunua. Eau na maliu a mapa ne sou a vanua tastasa mapigogoi a inigogona sou goli.