2 Korin 6:10 - Laulau na Vinalu mine Salemo

¹⁰ Amiteu tomane amiteu ugu lilomavaa sele, moni taliuliu amiteu mongemonge. Amiteu eili tomane a vanua sou kapelabe, moni amiteu goli a vanunua ma tavivine sou palea vuvuti. Amiteu tomane amiteu ma isa oto a golu tasa, moni amiteu isa a golugolu vuso.

2 Korin 6:10 ပူးပေါင်းရင်းမြစ်များ

Matiu 5:12

Amutou mu lilokuba me mu mongemonge sele, vuna maido, mapa taula ei magitali e amutou na langi. Vanunua sou goliosi a matamatana inigogona pagu usino ne sou a profet sou muga pala ane amutou.

Matiu 5:4

Sou a vanunua ma tavivine sou tangitangi, ne sou mongemonge, vuna Salemo ni toekube a lilone sou.

Malongolongona Kubaana mine Iesu Luk ei niage 6:21

Amutou a abuna eili mu vitolo seidei, namutou mongemonge, vuna mulimuli namutou masu. Amutou a abuna seidei amutou tangitangi, namutou mongemonge, vuna mulimuli namutou polipoli.

Ioanes 16:22

Tomane moni, seidei amutou lilobuu. Moni eau na ite lei e amutou, ma lilone amutou ni mongemonge. Ma bibi tasa i ma mapigogoi ete ni taulele a munonge mine amutou odo.

Aposel 16:25

Na lodo punosa Pol pilu e Sailas su kaka me su ala ane Salemo. Ma vanunua sanii sou ugu tamai na luma na tunuui sou longe sulu alaala.

Aposel 3:6

Moni e Pita ei vei maido, “Eau a vatu boa. Moni a golu eau isa i, ieli eau kale na bilii e oo. Na aisane Iesu Krais ne Nasaret eau vei lio, o ilisi mo asu.”

Aposel 5:41

Maido me sou a aposel sou ilisitase a vanunua mina avelulusena inade me sou gali usala. Na ilala sou asu, sou mongemonge sele, vuna sou damu ve Salemo ei longo ane sou ne sou guale a maelana na aisane Iesu.

Laulau Pol ei niage usino ne sou e Rom 11:12

Ilala sou e Israel sou lametase Salemo, Salemo ei buloi mamai sele a vanunua ma tavivine vuso na magamaga. Ma ilala sou e Israel sou itetase a inigogona mine Salemo, Salemo ei goli a inigogona kubaana sele usino ne sou a abuna sea. Maido me mane Israel vuso sou veteliu lou usino ne Salemo, eitou muada Salemo ei ni goli a inigogona kubaana mamau sele usino ne sou a abuna vanunua ma tavivine vuso.

Laulau Pol ei niage usino ne sou e Rom 12:15

Ne amutou monge pilu a vanunua sou mongemonge. Me namutou tangi pilu a vanunua sou tangitangi.

Laulau Pol ei niage usino ne sou e Rom 15:13

Salemo ei adegatuna ni bilii e eitou a golugolu kubaana ieli eitou magitalitali a gualena. Amutou silimuli e ei, me ei ni goli a munonge buo ma lilomeana ni palea me ei ni vonu ne amutou. Me na sagagalina mina Maolona Nunu, a inigogona magitalina ilala Salemo ei ni bilii e eitou a golugolu doana ieli, ei ni vonu sele ne amutou.

Laulau Pol ei niage usino ne sou e Rom 8:32

Salemo ei ma matilei ete Natune ei oto. Boa. Ei peltase ei usinani mina buloine eitou vuso. Mane ei bilii e eitou e Natuna oto, de ei ni bilii e eitou a golugolu vuso i sea tamai.

Laulau Pol ei niage usino ne sou e Rom 9:2

Dinodo buo sele eili minau taliuliu, me eau lilobuu sele me eau damutatala papai.

1 Korin 1:5

Inade mine Krais amiteu veipale le amutou, iede ei sagaliosi na lilone amutou. Ne Krais, Salemo ei mapigogoi vuse a golugolu usino ne amutou, ede sou a matamatana inigogona mina veipalena inade ma matamatana muadana.

2 Korin 2:4

Ivu, ilala eau niage a laulau usino ne amutou, eau lilomomolu gegelu sele ma lilogu ei isa a mavaana buo sele ma matananugu i kokolo. Moni eau ma niage ete a laulau ieli mina biliine amutou a mavaana. Boa. Eau niage ne amutou muada i maido, eau kale mamai sele amutou.

2 Korin 4:15

Eau vei maido, vuna eau muada, golu vuso ieli ei palea ne amiteu mina buloine amutou. Me na inigogona ieli dinodo mine Salemo ei palealea na vanunua ma tavivine papaina mamau sele, ma vanunua ma tavivine do ne sou toledadangi mamai sele Salemo, me sou beilange a aisane ei.

2 Korin 4:7

Moni a golu doana ivu ieli ei eili ne amiteu, amiteu tomane a taogo a magamaga. Iede mine sou a vanunua ne sou muada i, a sagagalina buo sou ite iede ei a sagagalina mine Salemo, ei mine amiteu boa.

2 Korin 8:9

Amutou muadasi i a dinodo mine Bibi Taula mine eitou Iesu Krais. Ei vuvuti, moni ei palea tomane a kapelabena bibi. Ei palea a kapelabena bibi mina buloine amutou namutou vuvuti.

Epesus 3:16

Eau kaka maido, na malasana golugolu papaina minei, Salemo Tamane eitou ei ni mavoni lilone amutou a Maolona Nunu, me ei ni toe amutou namutou magili sagali sele,

Epesus 3:8

Eau matano oto ana vanunua ma tavivine vuso mine Salemo, moni ei dode eau, me ei bilii e eau a pipigona mina veimuadena malongolongona kubaana ane a abuna sea. Na malongolongona kubaana iedo, ei ade a golu doana vuso mine Krais, ede eitou ma mapigogoi ete sele neitou vivileale me neitou gi.

Pilipai 2:17

Silimulina mine amutou, ei tomane a niabi amutou bilii e Salemo. Golu tasa boa mane sou valipute eau tomane a niabi, me a dalagu i singi tomane a niabi na vain, pilu a niabi mine amutou ieli, eau na mongemonge sele, mea na maimonge pilu e amutou.

Pilipai 4:4

Taliuliu ne amutou mongemonge e Bibi Taula. Eau vei lou, ne amutou mongemonge.

Kolosi 1:24

Seidei eau mongemonge a tabulena mavaana mina buloine amutou. Eau kale na buloi a viepiluna kinaka mine Krais, ei a vovone ei oto. Davutina mine Krais mina buloina viepiluna kinaka, ei saboa pulu. Eau kale na tabule tamai a davutina mine Krais na vovogu oto me na mapuli sele.

Kolosi 3:16

Namutou toe a inade mine Krais ni vonu lilo ne amutou. Amutou tastasa ne amutou matetengi e sou a kristen sea, me mu biliilii a damutatalana kuba ma muadana usino ne sou, ne sou goli a inigogona doana moni. Namutou toledadangi e Salemo na lilone amutou, ne amutou ale ane Salemo a inalanala mina Laulau na Inala, me sou a inala mina kinaka, ma inala a Maolona Nunu ei mapale na lilone amutou.

1 Tesalonaika 1:6

Ilala amutou gualesi a inade mine Salemo, mavaana makuba i palea le amutou, Maolona Nunu moni ei mailisi amutou namutou mongemonge, me amutou ogomuli a inigogona mine amiteu me mine Bibi Taula.

1 Tesalonaika 5:16

Taliuliu namutou mongemonge,

1 Timoti 4:8

Oo muada, toesagalina vovone eitou ei doana, moni masagalina lilone eitou ei doana sele lou. Ei ni buloi eitou mina maulina seidei me mina maulina mulimuli tamai.

1 Timoti 6:18

Ne sou goli a inigogona papaina i doana mina buloine sou a vanunua ma tavivine sanii. Taliuliu ne sou bilii a golugolu papaina usino ne sou a kapelabe me ne sou goli a inigogona patotona mina toekubene sou sanii.

Hibru 10:34

Na ilala sou tau sanii mine amutou na luma na tunuui, amutou lilomulimuli a vanunua do me amutou kuba sele ane sou. Ma ilala sou lapuale a golugolu vuso mine amutou, amutou mongemonge me amutou itetase moni sou, vuna amutou muada a golu ivu mine amutou ei saboa ino, moni a golu iedo ei muina taliuliu taliuliu.

Iemus 2:5

Tamtamaigu ivu, amutou longe. Sou a vanunua so kapelabe na matana vanunua mina magamaga, sou a vanunua moni iedo Salemo ei vilealesi ne sou vuvuti a silimulina. Lisa Salemo ei adegatuna maido, vanunua so kale sele ei, ei ni tau e sou na niitealalena mine Salemo.

1 Pita 4:13

Amutou tabule a davutina tomane Krais ei tabule, maido me ne amutou mongemonge, vuna na ilala Krais ei palea muada pilu a aisa buo minei, amutou mapigogoi ne mu mongemonge sele me mu lilokuba sele.

Inade i Ovu 2:9

Eau muada a mavaana ma davutina vuso ei palea le oo, me eau muada i maido oo ino kapelabe sele. Moni oo isa a golugolu papaina sele. Me eau muada a adepintolana sou a vanua sanii sou goli le oo. Sou a vanua do sou vei, sou mina abuna Iuda. Moni sou ma abuna Iuda oto. Sou a abuna mine Satan moni.

Inade i Ovu 21:7

Mane a bibi ei vululusi a maubina, io eau na bilii e ei a golugolu vuso do, me eau na muina e Salemo minei, me ei ni muina e natugu.