2 Korin 10:4 - Laulau na Vinalu mine Salemo

⁴ Golugolu vuso mina maubina amiteu lapitole, sou a golu mina magamaga ieli boa. Sou isa a sagagalina mine Salemo, me sou mapigogoi ne sou valipee a bigomu sagali mine sou a butu.

2 Korin 10:4 ပူးပေါင်းရင်းမြစ်များ

Aposel 7:22

Me Moses ei guale a muadana vuso ne Isip, me ei palea a bibina inade me a pipigona minei i sagali.

Laulau Pol ei niage usino ne sou e Rom 13:12

Lodo i bisii moni ni pulu, me ei agaviosi ni malada. Maido me kubaana ne eitou veletase a inigogona tunuui, me neitou kai a galiau mina muada.

Laulau Pol ei niage usino ne sou e Rom 6:13

Me namutou ma itetasetase lei a sinusu i iteale a aveavena vovone amutou vuso, dae ne amutou goli a inigogona mamau. Amutou tomane a vanunua ma tavivine sou ilisiliu na minate me sou mauli a muine sou, maido me namutou bilii e amutou oto usino ne Salemo. Me namutou litase Salemo ni iteale a avena vovone amutou vuso, ne amutou goli a inigogona i bilesi.

1 Korin 2:5

Vuna maido silimulina mine amutou ni ma asu oto maino na muadana vanunua, moni na sagagalina mine Salemo.

1 Korin 9:7

Sei bibi ei goligoli a pipigona mina maubina me ei oto ei poge a gona inani minei? Sei bibi ei danidani a mauma me ei ma pa oto a gona inani mine ei? Me sei bibi ei itealale a abuna sipsip me ei oto ei ma ini ete a susu ne sou, io?

2 Korin 10:8

Bibi Taula ei bilii e amiteu a mui, ne amiteu masagali a silimulina mine amutou, me ei ma kale ete ne amiteu toegegeli e amutou. Maido me mane eau mongemonge me eau beilange sape a aisane amiteu na pipigona amiteu goli ieli, eau ma maela oto a inade eau goli ie.

2 Korin 13:10

Bibi Taula i matoale eau mina itealena pipigona minei, me ei bilii e eau a sagagalina mina gunolina pipigona ie. Me seidei eau niage a inade ieli usino ne amutou na ilala eau saboa eili bulago, vuna ilala eau asuale amutou, eau ma kale ete na goli a inade sagali mina toebilelesina inigogona mine amutou. Bibi Taula i bilii e eau a mui ieli mina masagalina silimulina mine amutou, ma mui minau ieli ei mina toegegeline amutou boa.

2 Korin 3:5

Ivu, amiteu ma vei ete ve amiteu oto amiteu goli a golu tasa. Boa. Salemo tasa moni ei toe amiteu mapigogoi na pipigona iedo.

2 Korin 4:7

Moni a golu doana ivu ieli ei eili ne amiteu, amiteu tomane a taogo a magamaga. Iede mine sou a vanunua ne sou muada i, a sagagalina buo sou ite iede ei a sagagalina mine Salemo, ei mine amiteu boa.

2 Korin 6:7

Amiteu malongolongo a inade i patotona, me amiteu goligoli a pipigona na sagagalina mine Salemo. Amiteu lapitoletole a inigogona bilesi moni tomane a golu mina maubina ino na limana e gata me na limana e meli, me na inigogona ieli amiteu maububi a pipigona mine Salemo.

1 Tesalonaika 5:8

Moni eitou a vanunua mina malada, maido me damutatalana mine eitou ni muada. Neitou labetole a kinainai a bras mina silimulina ma kinale, me neitou kai a letepolo na maubina mina magitaline Salemo ni gualeliu e eitou.

1 Timoti 1:18

Natugu e Timoti, eau ade sagali ane oo maido oo no ogomuli a inade na sinaa iedo lisa sou goli le oo, me na inade ieli oo no maubi sagali mina taupuina inigogona pagupagu.

2 Timoti 2:3

Oo no guale a davutina pilu e eau tomane a bibi doana na maubina mine Krais Iesu.

Hibru 11:30

Na silimulina mine sou, sou asu saiili a bigomu mina aubu buobuo e Ieriko mapigogoi a malada padilua, io a bigomu ei talolobe utano.