2 Korin 1:15 - Laulau na Vinalu mine Salemo

^15-16 Eau silimuli sagali maido ne amutou mongemonge a inigogona eau goli, me na vuna moni iedo eau kale na ite pale amutou na inasugu usino ne Masedonia. Ma ilala eau ilisitase Masedonia eau damutale eau na veteliu lou usino ne amutou me na inigogona ieli Salemo ei ni toe iiti amutou maluanai. Me namutou buloi tamai eau na inasugu usino ne Iudia.

2 Korin 1:15 ပူးပေါင်းရင်းမြစ်များ

Matiu 1:19

Suane ei e Iosep, ei a bilesina bibi. Maido me ei ma kale ete ni mamaele Maria na matane sou a vanunua ma tavivine. Maido me ei kale ni iavetase kekeke moni ei.

Laulau Pol ei niage usino ne sou e Rom 1:11

Eau kale mamai na ite amutou, vuna maido eau na bilii e amutou a niabi sanii na Maolona Nunu mina toesagaline amutou.

Laulau Pol ei niage usino ne sou e Rom 15:29

Me eau muadasi i, mane eau asu usino ne amutou, a maibalavana mine Krais ei ni vonu na lilogu, me ei ni toekukube sele amutou.

1 Korin 11:34

Mane tasa ei vitolo, ei ni aani na luma minei. Dae a viepiluna mine amutou ei ni mapale a vavasana mine amutou. Golugolu sanii saboa ino, iede eau na toebilelesi na ilala eau asuale amutou.

1 Korin 16:7

Eau ma kale ete na muigu a ilala boto moni pilu e amutou. Boa. Mane Bibi Taula ei itetase eau, eau kale na ugu tabaa sapa pilu e amutou.

1 Korin 4:19

Moni mane Bibi Taula ei kale, io eau na asu asi usino ne amutou. Na ilala eau asu usino, eau na ma longe ete a inadenade mine sou a vanua sou toevautauta. Boa. Eau na pogevuti sei matana sagalina sou isa i.

2 Korin 12:14

De seidei eau masusulu na asu matolunai usino ne amutou, me na ilala tamai iodo eau na ma bilii ete amutou a mavaana. Longe. Eau na ma guale ete a golugolu mine amutou. Boa. Eau kale na guale amutou oto moni. Amutou muada, selebanini sou ma pipigopigo oto a tinilona ma taupilina gona inani ue golu mina buloine tamtamane sou me tinatinane sou. Boa. Tamtamane sou me tinatinane sou moni sou pipigopigo a taupilina golugolu mina buloine selebanini.

2 Korin 6:1

Amiteu pipigopigo pilu e Salemo me amiteu ade sagali ane amutou maido, “Amutou gualesi a dinodo mine Salemo, dae ne amutou litase sabubi a dinodo minei.”