1 Pita 4:7 - Laulau na Vinalu mine Salemo

⁷ Ilala mina golugolu vuso ni pulu ei agaviosi. Maido me ne amutou damutatala kuba, me mu iteale kube a inigogone amutou, me mu kaka sagali.

1 Pita 4:7 ပူးပေါင်းရင်းမြစ်များ

Matiu 24:42

“Maidolo me namutou ulago kuba. Amutou ma muada oto i sei malada Bibi Taula mine amutou ei ni asu usinani.

Matiu 25:13

“Maido me namutou ulago kuba. Vuna amutou ma muada oto a malada ma matailala Bibi Taula ei ni veteliu.

Malongolongona Kubaana mine Iesu Luk ei niage 21:34

“Moni amutou tilale, dae ne amutou inu maisaba taliuliu me amutou matalilili me amutou damutale mamai a golugolu mina vovo. Na malada mine Bibi Taula do ni palea asi sele ne amutou tomane sou oso na vuo.

Malongolongona Kubaana mine Iesu Luk ei niage 21:36

Ne amutou ulago kube e amutou me namutou kaka taliuliu ne amutou mapigogoi asuleletase a golu vuso do me ne amutou magili na matane Natuna Bibi.”

Malongolongona Kubaana mine Iesu Luk ei niage 22:46

Me ei vei le sou, “Amutou ngolo ili? Amutou ilisi mu kaka, dae ne amutou bosa a tinovo.”

Laulau Pol ei niage usino ne sou e Rom 12:12

Amutou silimulimuli me mu magitalitali e Bibi Taula ei ni toekube amutou, maido me namutou mongemonge. Mane a mavaana i palea le amutou, io ne amutou magili sagali. Me ne amutou kaka na ilala taliuliu.

1 Korin 15:24

Na ilala do a golugolu vuso ni pulu, Krais ni mapuli e sou so iteale a binea, me a nunu vuso i sagali ma golugolu ei isa a sagalina, me ei ni tau a niitealalena minei usino ne Salemo Tamane eitou.

1 Korin 7:29

Tamtamaigu, eau vei maido, ilala i boto moniosi, maido me na maduna ilala saboa eili ie, vanua sou isa e sususune sou ne sou malu tomane sou ma isa oto e sususune sou.

Epesus 6:18

Na sagagalina mina Maolona Nunu, namutou kaka taliuliu me namutou sagali a gunolina matamatana kinaka. Taliuliu namutou ulage kube amutou me namutou kaka ane sou a vanunua ma tavivine maolo mine Salemo.

Pilipai 4:5

Namutou toe a vanunua vuso ne sou iteilale a inigogona lilomeana mine amutou. Damutale, bisii moni Bibi Taula ni asu usinani.

Kolosi 4:2

Namutou kaka sagali taliuliu. Na ilala amutou kaka, namutou damutatala kuba me mu toledadangi e Salemo.

2 Timoti 4:5

Moni oo oto no damutala iiti taliuliu, me no tabule a mavaana ma davutina. Oo no pipigo a veipalena malongolongona kubaana usino na vanunua ma tavivine. Oo no toe sele a pipigona mina buloine sou a vanunua ma tavivine.

Taitus 2:12

Dinodo mine Salemo ieli ei toe eitou a veletasena inigogona mina lametasene Salemo ma litasena masagana mamau vuso mina magamaga ieli, me ei matetengi eitou a damutatalana kuba ma inasu bilesi. Patotona, eitou eili balivua ne sou a vanunua ma tavivine mina magamaga ie, moni a dinodo mine Salemo ei toe eitou neitou ogomuli a inigogona mine Salemo.

Hibru 10:25

Me eitou a vanunua ma tavivine mine Salemo neitou ma litatase lei a inigogona mina viepiluna, tomane a vanunua sanii sou goligoli. Amutou muada, malada mine Krais ei agavigaviosi. Maido me eitou tastasa neitou masagali a lilone sou sanii.

Hibru 9:26

Mane ei ni muli lei mapapaina, io ei ni tabule a davutina mapapaina tamai, soke na ilala Salemo ei mapale a magamaga asu mapigogoi seidei. Moni boa. Seidei, na ilala ei agavuale a punuluna malada, Krais ei palea na magamaga matasa moni, mina biliine ei oto usino ne Salemo tomane a niabi mina taulelena sinusu.

1 Pita 1:13

Maido me taliuliu namutou ulago kuba. Amutou ma goligoli lei tomane a bibi ei ma isa oto a damutatalana. Namutou silimuli sagali me mu magitali e Salemo ni goli a golu doana ei kale ni goli le amutou na ilala Iesu ei palea muada.

1 Pita 3:7

Amutou vanunua mu taulai, namutou goli tamai a inigogona doana usino ne sususune amutou a damutatalana doana. Vovona tavivine ei ma sagali vauta oto, maido me namutou ugu kuba pilu e sou. Ne amutou muada i maido, tavivine tamai ne sou guale a maulina i muina taliuliu pilu e amutou. Mane amutou ogomuli a inigogona li, io a golu tasa boa ei ni magilisobe a kinaka mine amutou.

1 Pita 5:8

Namutou masusulu me mu ulago kuba. Satan, a butu mine amutou odo, ei tomane a laion ei alabangenge sagali. Taliuliu ei gagaga mina tilomulina vanunua ma tavivine mina busongene sou.

Inade i Ovu 16:15

Bibi Taula vei maido, “Longe. Eau na asu usinani ne amutou tomane a bibi na paaalina. Maido ma bibi ei ma ngolo oto mei kai a kinainai minei, io a bibi iedo ei ni mongemonge, vuna ei ni ma asu ai sabubu oto mei ni ma maela oto.”