1 Pita 3:11 - Laulau na Vinalu mine Salemo

¹¹ Ei ni lametase a inigogona pagu, me ei ni ogomuli moni a inigogona kubaana. Ei ni toe a lilomeana pilu e sou a vanunua ma tavivine sea, me ei ni ogomuli sagali a inigogona simaido.

1 Pita 3:11 ပူးပေါင်းရင်းမြစ်များ

Matiu 5:45

Maidolo me ne amutou muine amutou e natatune Tamane amutou ei ino oata na langi. Ei toe a oaso minei ni silidavei na vanua sou pagu me sou a vanua doanana tamai. Me ei goli a adavu i pu utano ne sou a bilesina vanua ma vanua sou ma bilesi oto tamai.

Matiu 5:9

Sou a vanunua ma tavivine sou valimatemate a inigogona sinoana ma maubina, ne sou mongemonge, vuna ne sou vate e sou e natatune Salemo.

Matiu 6:13

Oo no ma itetasetase lei e amiteu namiteu bosa na tinovo, moni gualeliu e amiteu maino na golugolu pagu.’

Malongolongona Kubaana mine Iesu Mak ei niage 14:7

Taliuliu sou a kapelabena vanunua ne sou muina pilu e amutou. Sei malada amutou isa a masagana buloine sou, de ne amutou buloi e sou. Moni eau na ma malu pilu oto e amutou taliuliu.

Malongolongona Kubaana mine Iesu Luk ei niage 1:79

mina silidaveina vanunua sou malu na tunuui me na nilaena minate. Me ei ni iteale kube a ubune eitou, me neitou asu na vea mina lilomeana.”

Malongolongona Kubaana mine Iesu Luk ei niage 6:35

Moni amutou namutou kale sou a butu mine amutou. Namutou goli a inigogona doana usino ne sou. Amutou magau e sou me amutou ma damudamu lou ve ne sou maliu a ginau usino ne amutou. Mapa mine amutou ni buo sele. Me ne amutou muina e natatune Salemo oata oto sele, vuna ei goligoli a inigogona doana tamai usino na vanunua sou ma toledadangi ete ei me ane sou a butu.

Malongolongona Kubaana mine Iesu Luk ei niage 6:9

Me Iesu ei vei le sou maido, “Nane na Maolona Malada neitou goli a inigogona doana ue a inigogona pagu? Nane neitou toekube a vanunua ue toegegeli e sou? Eau tagi e amutou sei golu ei doana?”

Ioanes 17:15

Eau ma kake ete oo no gualelele sou maino na magamaga ie. Eau kake oo no iteale sou, dae a bibi pagu ni toegegeli e sou.

Laulau Pol ei niage usino ne sou e Rom 12:18

Amutou oto amutou ma damutaletale lei a maisinoana ma maubina. Taliuliu ne amutou tilo a vea mina muina lilo tasa pilu a vanunua vuso.

Laulau Pol ei niage usino ne sou e Rom 14:17

Niitealalena mine Salemo ei ma valitole ete a gona inani ma niinu. Boa. Ei a bilesina ma lilomeana ma munongena ino na Maolona Nunu.

Laulau Pol ei niage usino ne sou e Rom 14:19

Maido me neitou ogomuli a inigogona vuso sou goli e eitou neitou ugu a lilone eitou tasa, ma inigogona vuso sou masagali a silimulina mine sou seasea.

Laulau Pol ei niage usino ne sou e Rom 5:1

Io eitou silimuliosi me Salemo ei vate e eitou a bilesina vanunua ma tavivine. Maido me eitou palea lilo tasa pilu e Salemo lilo ne Bibi Taula mine eitou e Iesu Krais.

Laulau Pol ei niage usino ne sou e Rom 7:19

Inigogona doana eau kale na goli, iedolo eau ma goligoli ete. Ma inigogona pagu eau ma kale ete na goli, ede eau goligoli.

Laulau Pol ei niage usino ne sou e Rom 7:21

Maido me eau ite a matana inigogona ieli ei iteale a maulina minau. Ilala eau kale na goli a inigogona doana, inigogona pagu tamai ei tabesobesobe a veagu.

Laulau Pol ei niage usino ne sou e Rom 8:6

Mane a damutatalana mina bibi i ogomuli a masagana mina lilomumuguna moni, de bibi iedo ei ni mate. Moni mane a damutatalana mina bibi i ogomuli a masagana mina Maolona Nunu, io bibi edo ei ni guale a maulina ma lilomeana.

Galesia 5:22

Moni a vuavua doana mina Maolona Nunu i maido, kinalena, ma munongena, ma lilomeana, ma maovuna, ma buloina, ma gunolina inigogona kubaana, ma inasu bilesi taliuliu,

Galesia 6:10

Maido me sei malada eitou mapigogoi neitou goli a inigogona doana usino ne vanunua vuso, neitou goli. Me neitou sagali sele a gunolina inigogona doana usino na abuna sou silimuli.

Kolosi 3:15

Ne amutou toe a lilomea mine Krais ni iteale amutou. Salemo ei toleale amutou ne amutou lilomea moni me mu palea vovo tasa moni. Ne amutou toledadangi e Salemo taliuliu.

1 Timoti 6:18

Ne sou goli a inigogona papaina i doana mina buloine sou a vanunua ma tavivine sanii. Taliuliu ne sou bilii a golugolu papaina usino ne sou a kapelabe me ne sou goli a inigogona patotona mina toekubene sou sanii.

Hibru 12:14

Ne amutou ogomuli sagali a inigogona lilomeana pilu a vanunua vuso. Me namutou malu a inigogona maolo mine Salemo. Bibi ei ma maolo oto, ei ni ma mapigogoi ete ni ite Bibi Taula.

Hibru 13:16

Namutou ma danivusevuse lei a gunolina inigogona doana usino ne sou sanii ma biliina golu sanii mine amutou mina buloine sou so boto a golugolu. Salemo ei mongemonge sele a matana niabi do.

Iemus 4:17

Damutale kube. Mane oo muadasi i a inigogona tasa doana oo no goli, moni oo ma goli ete, iede o goli a sinusu.

1 Pita 3:12

Vuna maido, Bibi Taula ei itealale sou a bilesina vanunua ma tavivine, me ei beli a tagilane ei na kinakanaka mine sou. Moni e Bibi Taula ei ma kale ete sou a vanunua ma tavivine pagupagu.”

3 Ioanes 1:11

Tamaigu ivu, o no ma ogomulimuli lei a inigogona pagu. Boa. Oo no ogomuli a inigogona i kubaana. Bibi ei goli a inigogona kubaana ei a bibi mine Salemo. Moni a bibi ei goli a inigogona pagu ei ma ite ete Salemo.