1 Pita 1:23 - Laulau na Vinalu mine Salemo

²³ Amutou palea alaba louosi. Moni amutou ma palea oto a vuavuana gona inani ei mamaumau. Boa. Amutou palea a vuana gona inani ei muina taliuliu. A vuana gona inani iodo ei a inade mine Salemo, ei a inade ei isa a maulina me ei muina taliuliu.

1 Pita 1:23 ပူးပေါင်းရင်းမြစ်များ

Matiu 24:35

Langi pilu a magamaga ei ni buale, moni a inadegu ei ni ma buale oto.

Malongolongona Kubaana mine Iesu Luk ei niage 8:11

“Vuna adetinovona ieli ei maido. Vuana vit ei a inade mine Salemo.

Ioanes 1:13

Sou ma palea oto e natatune Salemo mina dalane tamana me tinane sou, ue mina masagana vovo, ue mina masagana bibi. Boa. Salemo oto i toe e sou so palea e natatune ei.

Ioanes 1:3

Na Inade moni ei mapale a golugolu vuso. Mane ei boa, golu tasa ei ni ma palea oto.

Ioanes 3:3

Iesu ei adeliu maido, “Patotona sele eau vei lio, mane a bibi ei ma alaposa alaba lou oto, ei ni ma mapigogoi ete ni ite a niitealalena mine Salemo.”

Ioanes 3:5

Iesu ei adeliu maido, “Patotona sele eau vei lio, mane a bibi i ma alaposa alaba lou oto a nanu ma Maolona Nunu, ei ma mapigogoi ete ni asu ulilo na niitealalena mine Salemo.

Ioanes 6:63

Maolona Nunu oto ei bilii a maulina usino ne sou a vanunua ma tavivine. Vovone eitou ei ma mapigogoi ete ni buloi sape eitou. Inade eau bilii e amutou ieli ei a nunu mei isa a maulina.

Laulau Pol ei niage usino ne sou e Rom 1:23

Sou taupui a aisa buo mine Salemo ei muina taliuliu, moni sou pui a puigolo mina vanua sou mate me sou a manumanu ma viuviu ue a aliusu maido, me sou totopatulialale a golu sou odo.

Hibru 4:12

Inade mine Salemo ei isa a maulina, me ei pipigo sagali. Ei binaso mamau lou ana viso ei isa a binasona lua. Inade ieli ei iububi a bibi me ei gali ulilo oto sele. Ei asu palea bilesi na buune eitou ma nunune eitou, me na avena masoosoona dolo ma augu mavona ma tuatua sou maidama pilu. Maido me ei muada kuba iiti a damutatalana vuso ma masagana mina lilone eitou.

Iemus 1:18

Na masagana minei oto, ei maalepose eitou na adepatotonana minei, ve neitou palea a munugana vua mina golugolu vuso ei mapale.

1 Pita 1:25

moni a inade mine Bibi Taula ei muina taliuliu taliuliu.” A inade do ei a malongolongona kubaana sou ademuadasi i ane amutou.

1 Pita 1:3

Eitou beilange a aisane Salemo, ei e Tamane Bibi Taula mine eitou, Iesu Krais. Ei isa a lilomulina buo usinani ne eitou. Ei mailisi e Iesu Krais na minate, me na vea do Salemo ei bilii e eitou a maulina alaba. Ma maulina alaba do ei masagali e eitou neitou magitali e ei ni toesesele a golugolu doana ei kale ni bilii e eitou.

1 Ioanes 3:9

Mane sei bibi ei palea e natune Salemo, io ei ni ma goligoli lei a sinusu, vuna maulina mine Salemo oto ei ino na bibi iedo. Maido me ei ma mapigogoi ete ni goli a sinusu, vuna ei paleasi e natune Salemo.

1 Ioanes 5:18

Eitou muada, vanunua vuso sou natatune Salemo, sou ma ogomulimuli ete a inigogona sinusu. Boa. Salemo ei iteale kube a bibi ei e natuna, me Satan ei ma mapigogoi ete ni lapitole ei.