1 Korin 7:31 - Laulau na Vinalu mine Salemo

³¹ Ma vanua sou goli a pipigona a golugolu na magamaga, ne sou malu tomane a pipigona do ei a golu tasa i ma buo oto na maulina mine sou. Eitou muada, ma tabaa oto a magamaga ieli pilu a golugolu vuso minei ni pulu.

1 Korin 7:31 ပူးပေါင်းရင်းမြစ်များ

Malongolongona Kubaana mine Iesu Luk ei niage 21:34

“Moni amutou tilale, dae ne amutou inu maisaba taliuliu me amutou matalilili me amutou damutale mamai a golugolu mina vovo. Na malada mine Bibi Taula do ni palea asi sele ne amutou tomane sou oso na vuo.

1 Korin 7:29

Tamtamaigu, eau vei maido, ilala i boto moniosi, maido me na maduna ilala saboa eili ie, vanua sou isa e sususune sou ne sou malu tomane sou ma isa oto e sususune sou.

1 Korin 7:30

Me sou a vanua sou tangitangi, ne sou malu tomane sou ma tangi oto. Me sou a vanua sou mongemonge, ne sou malu tomane sou ma mongemonge oto. Me sou a vanua sou olioli a golugolu, ne sou malu tomane sou ma isa oto a golu.

1 Korin 9:18

Maido me sei mapa eau na guale? Ilala eau veipale a malongolongona kubaana eau ma guale ete a mapa, me eau ma guale ete a golugolu eau mapigogoi na guale na ilala eau pipigo, iede a mapagu.

Hibru 12:27

Ei vei a ilala tasa lou, a malibuuna inade mina “Ilala tasa lou” i maido, ilala Salemo ei toe a magamaga ma langi ei vuvule, ei ni taulele a golugolu vuso ei mapale iedo me ne sou ma muine ete sou lou. Ma golugolu ei ma mapigogoi ete ni toe sou so vuvule, sou moni ni muine sou.

Iemus 4:14

Amutou goligoli a matana inade ie, amutou ma muada oto sei golu ni palea savulo. Maulina mine amutou ei tomane a aulabunu ei palea me ei muina bisii moni me ei pulu vuso.

1 Pita 1:24

Laulau mine Salemo ei vei maido, “A vanunua ma tavivine vuso sou ma malu taliuliu oto na magamaga. Sou pulu asi tomane a gulugulu, ma aisa buo mine sou ei pu tomane a sesena obuobu. Gulugulu sou mamate, ma sesene sou lilii,

1 Pita 4:7

Ilala mina golugolu vuso ni pulu ei agaviosi. Maido me ne amutou damutatala kuba, me mu iteale kube a inigogone amutou, me mu kaka sagali.

1 Ioanes 2:17

Magamaga li ei ni pulu, ma masagana pagu vuso mina magamaga ieli tamai ni pulu. Moni a bibi ei ogomuli a inade mine Salemo ei ni muina taliuliu taliuliu.