1 Korin 3:8 - Laulau na Vinalu mine Salemo

⁸ Bibi ei dani a vuavua ma bibi ei bilii e sou a nanu, pipigona mine sulu i tasa moni, tastasa mine sulu ni guale a mapa mapigogoi a pipigona sulu goli.

1 Korin 3:8 ပူးပေါင်းရင်းမြစ်များ

Matiu 16:27

Na ilala Natuna Bibi ei ni asu usinani na malasana buo mine Tamana pilu e sou a bineanea minei, ei ni bilii a mapa ne sou a vanunua vuso i mapigogoi a inigogona sou goli.

Malongolongona Kubaana mine Iesu Luk ei niage 19:19

Ei vei le ei, ‘Oo no iteale aubu lima.’

Laulau Pol ei niage usino ne sou e Rom 2:6

Salemo ni bilii a mapa ne sou a vanunua ma tavivine vuso mapigogoi a inigogona sou goli.

1 Korin 15:58

Maido me tamtamaigu ivu, namutou muina sagali, me mu ma suduliliuliu lou, me taliuliu namutou pipigo sagali ane Bibi Taula. Vuna maido amutou muada i, pipigona sagali mine amutou ei ni ma buale sabubu oto.

1 Korin 3:14

Mane a luma minei ei ma lulu oto, io a bibi na pipigona do ei ni guale a mapa.

1 Korin 3:7

Maido ma bibi ei dani a vuavua ma bibi ei bilii a nanu, sulu a bibi sabubu. Salemo ei mapalele a gona inani, ei tasa moni ei isa a aisa buo.

1 Korin 3:9

Amilu maitama a pipigona mine Salemo, me amutou tomane a mauma ma luma minei.

1 Korin 4:15

Ivu, mane amutou isa a vanunua na matetengina savuluvulu savulu tasa (10,000) mina itealene amutou a inigogona mine Krais, amutou ma isa oto e tamane amutou makuba. Boa. Na inigogona mine Krais Iesu eau paleasi e tamane amutou. Amutou palea e natatugu na ilala eau veipale ane amutou a malongolongona kubaana.

1 Korin 9:7

Sei bibi ei goligoli a pipigona mina maubina me ei oto ei poge a gona inani minei? Sei bibi ei danidani a mauma me ei ma pa oto a gona inani mine ei? Me sei bibi ei itealale a abuna sipsip me ei oto ei ma ini ete a susu ne sou, io?

Galesia 6:4

Vanunua vuso tastasa ne sou vivileale a pipigona mine sou oto i kubaana ue boa. Bibi ei goli maido, ei ni mongemonge sele a inigogona ei oto ei goli, mei ni ma vivileale ete a inigogona minei pilu a inigogona mina bibi sea,

Galesia 6:5

vuna maido vanunua vuso tastasa ne sou tabule a mavaana mine sou oto.

Hibru 6:10

Salemo ei bilesi moni, me ei ni ma danivuse ete a pipigona doana amutou goli me a kinale amutou maite e ei a buloina e sou a vanunua ma tavivine minei, me amutou saboa nana mu goligoli maido.

1 Pita 5:4

Mane amutou toe maido, io ilala a Munugana Bibi ei Itealale a sipsip ei sibitala muada, namutou guale a malasana kele, ede a mapa i muina taliuliu mei ma mamaumau oto.

2 Ioanes 1:8

Maido me amutou tilale kube, dae ne amutou litase a golugolu amutou pipigo sagali a gualena. Namutou magili sagali, me namutou guale a mapa vuso ne amutou.

Inade i Ovu 2:23

Sou e natatuna tamai, eau na valiputemate sou. Maido ma viepiluna kinaka vuso ne sou muada maido, eau gegemumuliale iiti a lilone sou ma damutatalana mina vanunua vuso. Eau na maliu a mapa usino ne amutou tastasa mapigogoi a inigogona amutou goli.

Inade i Ovu 22:12

Iesu ei vei maido, “Longe. Eau na asu asi usinani. Me eau na maasi a mapa mina biliine sou a vanunua. Eau na maliu a mapa ne sou a vanua tastasa mapigogoi a inigogona sou goli.