1 Korin 13:9 - Laulau na Vinalu mine Salemo

⁹ Seidei eitou isa a madumaduna muadana moni na golugolu. Me tamai, eitou veipalele a madumaduna inade na malongona moni.

1 Korin 13:9 ပူးပေါင်းရင်းမြစ်များ

Matiu 11:27

“Euma ei tauosi a golugolu vuso na limagu. Ma bibi tasa ino boa ei muada e Natuna. Euma tasa moni ei muada i. Ma bibi tasa ino boa ei muada e Euma. Natuna pilu e sou a vanunua Natuna oto ei kale ni maite e Euma usino ne sou, sou moni sou muada e Euma.

Laulau Pol ei niage usino ne sou e Rom 11:34

Tomane a inade ino na Laulau mine Salemo, “Sei muadasi a damutatalana mine Bibi Taula? Sei bilii a damutatalana usino ne ei?”

1 Korin 13:10

Moni mulimuli a golu ivu sele ni palea, na ilala do madumaduna golugolu vuso seidei eitou muada i ne sou pulu.

1 Korin 13:12

Seidei eitou muada e Salemo tomane eitou ite ei na mira moni. Moni na ilala mulimuli neitou ite ivu e ei a matane eitou. Me seidei eitou muada sapa moni ei, moni na ilala do neitou muada iiti e ei tomane ei muada sele e eitou.

1 Korin 2:9

Moni na Laulau mine Salemo ei isa a inade maido, “Golugolu lisa a bibi tasa ei ma ite ete ue ei ma longe ete, me ei ma palea oto na damutatalana mina bibi tamai, a golugolu iede Salemo i masusuliosi ana vanunua sou kale mamaimai sele ei.”

1 Korin 8:2

Bibi tasa ei mapigogoi ni damu i maido ei muada sele a golu tasa, moni a muadana mina bibi iedo ei saboa mapigogoi.

Epesus 3:8

Eau matano oto ana vanunua ma tavivine vuso mine Salemo, moni ei dode eau, me ei bilii e eau a pipigona mina veimuadena malongolongona kubaana ane a abuna sea. Na malongolongona kubaana iedo, ei ade a golu doana vuso mine Krais, ede eitou ma mapigogoi ete sele neitou vivileale me neitou gi.

1 Ioanes 3:2

Tamtamaigu, seidei eitou eili e natatune Salemo. Me mulimuli ne eitou muine eitou matina, ieli eitou ma muada oto i. Moni eitou muada, malada Krais ni veteliu, neitou palea tomane ei oto, vuna neitou ite bilesi e ei.