1 Korin 12:25 - Laulau na Vinalu mine Salemo

²⁵ Ei goli simaido, ei toe a vovo ei ni tasa moni, me sou vuso a aveavena tastasa ne sou iteale a aveavena sanii na inigogona tasa moni.

1 Korin 12:25 ပူးပေါင်းရင်းမြစ်များ

1 Korin 12:24

Moni e sou a aveavena vovo sanii malasa, eitou itetatase sabubi. Salemo ei tau a aveavena vuso mina vovo ei muina pilu. Ma aveavena sanii sou ma isa oto a aisa, sou guale a munugana ivu.

1 Korin 12:26

Maido me mane a avena vovo tasa ei somiale a davutina, aveavena vuso do sou somiale a davutina pilu. Me mane a avena tasa ei guale a aisa buo, aveavena vuso sou mongemonge pilu e ei.

1 Korin 3:3

amutou saboa nana ogomulimuli a lilomumuguna. E, lilogegeluna ane tamtamaimu ma maisinoana, ei saboa nana ne amutou. Ma inigogona amutou goligoli ie, ede a inigogona mina lilomumuguna. Sou a inigogona mina magamaga moni.

2 Korin 13:11

Io, tamtamaigu, amutou longemuli e eau. Namutou mongemonge moni. Amutou vuso namutou palea a bilesina vanunua sele me mu ugu lilo tasa moni ma lilone amutou ni mea moni. Me eau kaka ane Salemo maido, ei bilii e amutou a lilone ei me ei bilii e amutou a lilomeana, ei ni muina pilu e amutou.

2 Korin 7:12

Ilala eau niage a laulau do usino ne amutou, eau ma damutale ete a toebilelesina inigogona pagu bibi ei goli, ue eau ma damutale ete a bibi sea, ei guale a mavaana maino ne bibi iedo. Boa. Eau kale a inigogona doana mine amutou ni palea na avena muada, me na matane Salemo namutou muada kuba i maido, ivu amutou bilii a lilone amutou usinani ne amiteu. Na vuna moni ieli eau niagesi a laulau iedo.

2 Korin 8:16

Taitus tamai ei kale mamai sele ni buloi e amutou tomane amiteu. Maidolo me eau toledadangi e Salemo.