1 Ioanes 5:20 - Laulau na Vinalu mine Salemo

²⁰ Eitou muada, Natune Salemo ei sibitalasi, mei bilii e eitou a damutatalana, ne eitou muada e Salemo ivu. Eitou valitole Salemo ivu pilu e Natuna Iesu Krais. Iesu Krais ei e Salemo ivu, me ei a vuna maulina kubaana taliuliu taliuliu.

1 Ioanes 5:20 ပူးပေါင်းရင်းမြစ်များ

Matiu 13:11

Me Iesu ei maliu a inade maido, “Salemo ei mamuadesi e amutou a vuna inade ovu mina niitealalena mina langi, moni ei ma maite ete sou a vanunua ma tavivine ie.

Malongolongona Kubaana mine Iesu Luk ei niage 21:15

vuna maido eau oto na tau a inade na asene amutou, me eau na bilii e amutou a muadana doa. Ma abuna vuso sou kale ne sou vavasa ane amutou, moni ne sou ma mapigogoi ete ne sou saukiki ue sou taupui e amutou.

Malongolongona Kubaana mine Iesu Luk ei niage 24:45

Me ei pee a lilone sou ne sou damutale kube a vuna inade na Laulau mine Salemo.

Ioanes 1:18

Bibi tasa i saboa ite e Salemo. Natune Salemo tasa moni iedo, ei oto ei e Salemo mei ino valitole sele Tamana, ei tasa moni ei maitesi e eitou e Salemo.

Ioanes 10:30

Me eau pilu e Euma amilu tasa moni.”

Ioanes 14:20

Na malada dolo namutou muada i, eau ino ne Euma, me amutou eili minau, me eau ino ne amutou.

Ioanes 14:23

Me Iesu ei adeliu ane ei maido, “Mane a bibi tasa ei kale sele eau, ei ni ogomuli iiti a inade minau. Me Euma ei ni kale a bibi iedo. Me ne amilu asu usino ne ei me nami ugu pilu e ei taliuliu taliuliu.

Ioanes 14:6

Me Iesu ei vei lei maido, “Eau oto eau a vea, me eau a vuna inade i patotona, me eau a vuna maulina. Bibi tasa ei ni ma asu oto usino ne Euma na vea tasa sea. Boa. Ne eau moni.

Ioanes 14:9

Me Iesu ei vei le ei, “Pilip, tabaa selesi eau ugu pilu e amutou, me oo saboa muada e eau? Bibi ei ite eau, ei ite Euma. Posa matina o vei, ‘Maite amiteu e Tamane amiteu?’

Ioanes 15:4

Amutou ne mu muina lilo ne eau, me eau na muina lilo ne amutou. Mane a lalana obu a vain i ma valitole ete a obuna, io ei ni mapigogoi ete ni vua. Tomane moni, mane amutou ma muina lilo oto ne eau, amutou tamai ma mapigogoi ete namutou vua.

Ioanes 17:14

Inade minio, eau biliiosi e sou. Me sou a vanunua ma tavivine mina magamaga ieli sou butuale sou, vuna sou a vanunua ma tavivine minau sou mina magamaga ieli boa, tomane eau tamai ea mina magamaga li boa.

Ioanes 17:25

Ouma, oo bilesi, sou a vanunua ma tavivine mina magamaga ieli sou ma muada oto e oo. Moni eau muada e oo. Me sou a abuna minau ieli, sou tamai muada, oo peltase eau usinani.

Ioanes 17:3

Ma maulina kubaana taliuliu taliuliu ei maido, sou muada e oo, oo moni e Salemo ivu, me sou muada e Iesu Krais oo peltase usinani.

Ioanes 20:28

Me Tomas ei sie liu a inadene ei maido, “Oo Bibi Taula minau, oo e Salemo minau.”

Ioanes 8:42

Me Iesu ei vei le sou maido, “Mane ei moliana Salemo ei e Tamane amutou, io ne amutou kale eau, vuna eau asu maino ne Salemo. Eau ma asu oto usinani na damutatalana minau oto. Boa. Salemo ei peltase eau usinani.

Aposel 20:28

Namutou ulage kube amutou oto me sou a sipsip, iedolo a vanunua ma tavivine vuso mina viepiluna kinaka mine Salemo ei oli a dalane Natune ei oto, ma Maolona Nunu ei vileale amutou ne mu itealale sou a sipsip iedo.

Laulau Pol ei niage usino ne sou e Rom 9:5

Salemo ei vileale a tubutubune sou, sou isa a aisa buo ivu. Me na abuna mine sou moni Krais i palea a bibi. Krais ei e Salemo, me ei iteale a golugolu vuso. Me taliuliu taliuliu neitou beilange a aisane ei.

1 Korin 1:30

Salemo oto i tau e amutou namutou pilu e Krais Iesu. Me ei tau e Krais i muina a vuna damutatalana doana ma muadana mine eitou. Me ne Krais moni Salemo i toe eitou to palea a bilesina vanunua ma tavivine me ei toe eitou to asu na inigogona minei oto. Me na pipigona mine Krais moni Salemo i oliliuale eitou, ma sinusu i ma iteale etesi e eitou.

2 Korin 4:6

Lisa otosi Salemo ei ade, “Lilo na tunuui muada ni lada.” Me seidei muada mine Salemo oto asu usinani ne amiteu, me ei goli a lilone amiteu ni muada mamau sele. Amiteu ite a lagune Iesu Krais me amiteu ite a muada ivu me amiteu muada a aisa buo ma sagagalina mine Salemo.

2 Korin 5:17

Maidolo me mane a bibi tasa ei valitole Krais, io Salemo ni toe ei palea a bibi alaba ivu. Longe kube. Seidei inigogona mumugu ei puluvusosi, ma inigogona alaba ei paleasi.

Epesus 3:18

Maido me namutou guale a sagagalina, pilu a vanunua ma tavivine vuso mine Salemo, me ne amutou vuso muada kuba a kinalena mine Krais, ei balabala sele, mei lago mamau lou, mei oata oto sele, mei tano oto sele. E, a kinalena mine Krais ie, ei vululusi a muadana vuso, moni namutou muada sele e ei. Ma golugolu doana vuso ei vonu ne Salemo oto, ne sou vonu ne amutou tamai.

Pilipai 3:9

mea na valitole ei. Eau ma damutale ete na palea a bilesina bibi a inigogona eau oto eau ogomuli a binea. Boa. Eau kale na palea a bilesina bibi a vea tasa sea, ei a vea mina silimuline Krais. Eitou silimuli e Krais, me Salemo oto ei vate eitou a bilesina vanunua ma tavivine.

1 Timoti 3:16

Eitou muada iiti i maido, inade ovu mina inigogona mine Salemo ei a golu tasa i buo sele. Inade li Salemo ei matetengiosi e eitou, ei maido, Ei palea a bibi ivu, me sou a vanunua ma tavivine sou ite ei. Maolona Nunu ei maite i maido, inigogona minei ei bilesi vuso, me sou a bineanea mine Salemo sou ite ei. Sou a vanunua sou asu me sou veipale a inade minei ane a abuna vanunua vuso. Vanunua ma tavivine na magamaga sou silimuli ei, Me Salemo i maasi e ei uata me ei guale a aisa buo sele.

Taitus 2:13

Maido me eitou magitalitali ivu a golu doana iedo neitou monge sele a niitena. A golu doana iedo ei e Salemo mei buo mamau sele, me Iesu Krais ei e Bibi Taula mina gualeliune eitou, ei ni palea muada sele pilu a aisa buo mine Salemo.

Hibru 1:8

Moni ei ade e Natuna maido, “Salemo, o no muimu a mapana taliuliu taliuliu. Oo iteale a vanunua ma tavivine vuso minio na inigogona i bilesi moni.

1 Ioanes 2:23

Bibi ei lametase Natuna ei lametase Tamana tamai. Bibi ei silimuli e Natuna ei silimuli e Tamana tamai.

1 Ioanes 2:24

Inadenade lisa amutou longesi odo, iede namutou tau na lilone amutou. Mane amutou toe maido, io Natuna pilu e Tamana sulu ne su muina pilu e amutou taliuliu.

1 Ioanes 2:6

Mane a bibi tasa i vei maido, “Eau valitole e Salemo,” io bibi iedo ni asu tomane Krais ei asu.

1 Ioanes 4:14

Me eitou itesi a golu Tamana ei goli. Ei peltase Natuna utano nani ni gualeliu a vanunua ma tavivine na magamaga, me eitou veipale a golugolu ie.

1 Ioanes 4:16

Maido me eitou muada me silimuli sagali maido, Salemo ei kale sele eitou. Salemo oto ei a vuna inigogona kinale sele. Ma bibi ei kalekale sele sou sanii sea, ei valitole e Salemo, me Salemo ei valitole e ei.

1 Ioanes 4:2

Na vea ieli namutou muada a Nunu mine Salemo. Mane a bibi tasa i ade patotona ve, “Iesu Krais ei paleasi a bibi ivu,” io a Nunu mine Salemo ino na bibi iedo.

1 Ioanes 5:1

Vanunua sou silimuli e Iesu ei e Krais sou e natatune Salemo. Me a vanunua sou kalekale tamana sou kale tamai e natuna.

1 Ioanes 5:15

Eitou muada, ei longemulimuli a kinaka vuso mine eitou. Maido ma ilala eitou tagi e ei ni bilii e eitou a golu tasa, eitou muada maido, neitou guale bilesi a golu iedo.

1 Ioanes 5:18

Eitou muada, vanunua vuso sou natatune Salemo, sou ma ogomulimuli ete a inigogona sinusu. Boa. Salemo ei iteale kube a bibi ei e natuna, me Satan ei ma mapigogoi ete ni lapitole ei.

1 Ioanes 5:5

Sei ni vululusi a sagalina mina magamaga ie? Bibi ei silimuli e Iesu ei e Natune Salemo, bibi iedo moni ei vululusilusi.

Inade i Ovu 15:3

Sou ale a inala mine Moses, ei a bibi na pipigona mine Salemo, ma inala mine Natuna Sipsip. Inala do ei maido, “Bibi Taula, oo Salemo ei isa a sagagalina vuso, oo goli a matamatana pipigona buo, me na ilala amiteu ite, amiteu saga mamau sele. Oo mapana mine sou a aveavena vuso, inigogona vuso minio sou bilesi me sou patotona vuso.

Inade i Ovu 19:11

Eau ite a langi i peo, ma hos keakea tasa ino. Ma aisana bibi ei ugu na hos iodo ei maido, “Bibi ei iteale kube a pipigona minei,” ma “Bibi ei goli moni a inigogona i patotona.” Ilala ei vavasa ana vanunua ma tavivine mei maubi, ei ogomuli moni a inigogona bilesi.

Inade i Ovu 3:14

Bibi iedo ei ade lou maido, “Oo no niage a inade sanii usino na bineanea mina viepiluna kinaka mine Laodisia. Inade oo no masosove usino ne ei i maido, ‘Eau a bibi sou tole e “Amen,” me eau ogomuli sagali sele a inade vuso mine Salemo. Me taliuliu eau veipale a inade patotona moni. Eau a vuna golugolu vuso Salemo ei mapale.

Inade i Ovu 3:7

Bibi iedo ei ade lou maido, “Oo no niage a inade sanii usino na bineanea mina viepiluna kinaka mine Piladelpia. Inade oo no masosove usino ne ei i maido, ‘Eau maolo, ma inigogona vuso minau i patotona. Eau lapitole a ki mine Devit. Ma golu eau pee, a bibi tasa i ma mapigogoi ete ni kapi, ma golu eau kapi, a bibi tasa i ma mapigogoi ete ni pee.

Inade i Ovu 6:10

Sou a nunu odo sou tola sagali maido, “Mapana Buo mina golugolu vuso, oo maolo, ma inigogona minio ei patotona sele. Mavisa namiteu magitali, me oo no vavasa ane a vanunua ma tavivine na magamaga, me oo no maliu a dalane amiteu usino ne sou?”