1 Ioanes 4:9 - Laulau na Vinalu mine Salemo

⁹ Salemo ei isa e Natuna tasa moni, me ei peltase Natuna utano nani na magamaga, ne eitou guale a maulina minei. Na inigogona li Salemo i maite eitou maido, ei kale mamai sele e eitou.

1 Ioanes 4:9 ပူးပေါင်းရင်းမြစ်များ

Malongolongona Kubaana mine Iesu Mak ei niage 12:6

“Me a bibi tasa lou ino, iede natuna, ei kale mamai sele. Moni mina punuluna sele, ei peltase e natuna iedo usino ne sou a vanunua sou pipigo mina mauma. Tamana i vei maido, ‘Ne sou tade ei me sou longemuli a inade ne natugu.’

Malongolongona Kubaana mine Iesu Luk ei niage 4:18

“Maolona Nunu mine Bibi Taula ei eili pilu e eau, vuna Bibi Taula ei singi a wel na letegu na malongo a malongolongona kubaana usino ne sou a kapelabe. Me ei peltase eau na veipale a malamalana usino ne sou ino na luma na tunuui, me eau na toekube sou a mata ego ne sou gemu lou. Ei peltase eau usinani mina taulelena mavaana i palea maino mine sou sanii.

Ioanes 10:10

Bibi na paaalina ei ma asu oto usinani ni goli a golu tasa sea. Ei asu moni usinani ni paaali a sipsip mei ni toegegeli e sou mei valiputemate sou. Moni eau, eau asu usinani ane sou ne so guale a maulina, ma maulina doana ni vonu sele lilo ne sou.

Ioanes 14:6

Me Iesu ei vei lei maido, “Eau oto eau a vea, me eau a vuna inade i patotona, me eau a vuna maulina. Bibi tasa ei ni ma asu oto usino ne Euma na vea tasa sea. Boa. Ne eau moni.

Ioanes 3:16

Salemo ei isa e Natuna tasa moni. Moni ei bilii e Natuna tasa do usino ne sou a vanunua ma tavivine na magamaga tomane amiteu, vuna ei kale mamaimai sele sou. Ei goli maido ve sou a vanunua ma tavivine so silimuli e ei, ne sou ma buale oto, me ne sou guale a maulina i doana taliuliu taliuliu.

Ioanes 3:18

Sei ei silimuli e ei, ei ni ma guale ete a mavaana. Sei ei ma silimuli ete, ei isasi a vavasana na inigogona pagu, vuna maido ei ma silimuli ete a aisane Natune Salemo tasa moni iedo.

Ioanes 5:23

mina vanunua vuso sou mapigogoi ne sou beilange a aisane Natuna tomane moni sou beilange a aisane Tamana. Bibi ei ma beilangelange ete a aisane Natuna ei ma beilange ete a aisane Tamana ei peltase ei usinani.

Ioanes 6:29

Me Iesu ei adeliu ane sou maido, “Pipigona mine Salemo ei maido, namutou silimuli a bibi iedo, Salemo i peltase ei usinani.”

Ioanes 6:51

Eau a ulalu na maulina maino muata na langi. Mane a bibi tasa ei ani a ulalu ieli, ei ni isa a maulina i muina taliuliu. Ma ulalu eau na bilii iedo ei a mainigu. Eau oabi, ne sou a vanunua ma tavivine mina magamaga ne sou guale a maulina.”

Ioanes 6:57

Euma ei mauli ei peltase eau usinani, me Euma moni eau mauli, tomane moni a bibi ei ani eau, eau moni ei ni mauli.

Ioanes 8:29

Euma, ei peltase eau usinani, ei eili pilu e eau. Me ei ma itetase ete eau na ugu vululu moni. Boa. Vuna maido taliuliu eau goli a golugolu vuso ei kale.”

Ioanes 8:42

Me Iesu ei vei le sou maido, “Mane ei moliana Salemo ei e Tamane amutou, io ne amutou kale eau, vuna eau asu maino ne Salemo. Eau ma asu oto usinani na damutatalana minau oto. Boa. Salemo ei peltase eau usinani.

Ioanes 9:3

Me Iesu ei adeliu maido, “Bibi ieli ei ma goli ete a sinusu, me tamana me tinana tamai sulu ma goli ete a sinusu. Ei palea mata ego ne sou a vanunua ma tavivine ne so ite a pipigona mine Salemo na maulina minei.

Laulau Pol ei niage usino ne sou e Rom 8:32

Salemo ei ma matilei ete Natune ei oto. Boa. Ei peltase ei usinani mina buloine eitou vuso. Mane ei bilii e eitou e Natuna oto, de ei ni bilii e eitou a golugolu vuso i sea tamai.

Hibru 1:5

Salemo ei vei ane Natuna maido, “Oo e Natugu. Seidei eau paleasi e tamamu.” Me ei vei lou maido, “Eau na muigu e tamane ei, me ei ni muina e natugu.” Moni sei ilala Salemo ei vei a matana inade maido usino ne sei bineanea minei? Boa vuso sele.

1 Ioanes 3:16

Iesu i iabi a maulina minei oto mei mate mina buloine eitou, ma inigogona minei ieli ei maitesi e eitou a inigogona kinale sele ne sou sanii sea. Maido me eitou tamai neitou iabi a maulina mine eitou mina buloine tamtamaine eitou.

1 Ioanes 4:10

Inigogona kinale ieli, ei a inigogona mine Salemo. Neitou ma damudamu lou, eitou kale pale Salemo. Boa. Salemo ei kale pale eitou. Maido me ei peltase Natuna Bibi utano nani na magamaga mina taulelena sinusu vuso mine eitou.

1 Ioanes 4:16

Maido me eitou muada me silimuli sagali maido, Salemo ei kale sele eitou. Salemo oto ei a vuna inigogona kinale sele. Ma bibi ei kalekale sele sou sanii sea, ei valitole e Salemo, me Salemo ei valitole e ei.

1 Ioanes 5:11

Salemo i maite eitou a inade minei i patotona. Ma inade patotona minei ei maido, Salemo ei bilii e eitou a maulina mina niugu kubaana taliuliu taliuliu, ma vuna maulina iedo ei ino ne Natuna.

1 Ioanes 5:13

Eau niage a inade li usino ne amutou a vanunua ma tavivine, ne amutou silimuli a aisane Natune Salemo, ede namutou muada i maido, amutou gualesi a maulina mina niuguna kuba taliuliu taliuliu.