Zekariya 9:8 - Mawu a Mulluku

⁸ Sika kineeroyiteteza ellapwaaka wi ahiphwanyeye ooviramo apaalle oovollowamo. Kheyiivo adani enaawore waanyingallella vawi mi sika kinapwatha ddenndda.”

Zekariya 9:8 ပူးပေါင်းရင်းမြစ်များ

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Yesaya 60:18

Eziwawa kheddiwa ddiiweyattho, ellapwaawo khewa yoonongeyattho. Kinaakhalle wonanko mpanda wawuuteteza, oneerokititimiha ekaamba yawuuvullusa.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Amosi 9:15

Kineerewaallattho mwiillaponi mwiwa khaavo anawaatulle mu ellapo eyo kinawaavaheemi.” Mi Apwiya Mullukwaanyu, koollota.

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”

Yesaya 52:12

Koma olendoolla khamutimulla mwawaakuva, khamutimulla moothawa. Apwiya eneeteke vahoollo vanyu, Mulluku a Israele aneereke wuutetezani otulli wanyu.

Yesaya 31:5

Wonanko epallame ddoovava vaddullu va emphuru ddiwa, Apwiya Amasiva Mattheene eneerewaakiha muzinda wa Yerusalemu. Eneerowuteteza ni owuvullusa nave eneerowuhiya vakhwipi ni owoopolla.”

Masalimo 72:4

Mwene aneerewaateteza oohoowa, aneerewaavullusa oopaneya, koma aneerowoononga awaahoosa akhwiiwa.

Masalimo 34:7

Mungelo a Apwiya annawaapheella athu oowoova Apwiya, annaavullusa.

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

Eksodo 3:9

Miyaano kohiiwa okhuwa wa Aisraele nave kohoonesesa ddoohoosa nnddo Aiguputo enaweerelliiwa.

Yawuupullulla 20:9

Eneereweeta va ellapo yavatthi ettheene nave aneerewaapheella misasa dda athu a Mulluku nave ni muzinda oyo Mulluku anawukondeeye. Koma munllo oneerovenyera oddullu nave oneerewoononga attheene.

Mitteko 7:34

Kohoona ohoosiwa wa athwaaka o Iguputo. Kohiiwa okhuwa wiwa nave kookittha wi kaavulluse. Vano waawo, kuurume o Iguputo.’

Zekariya 14:11

Athu eneerokhalla o Yerusalemu mwamurendelle vawi khewa yoopopihiwattho ni woonongiwa.

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Yeremiya 46:13

Nebukadinezara mwene a o Babiloni awiilleeye wi ahelle ekhoto ellapo ya Iguputo, mawu a Apwiya yaawa wa miyaano wi,

Yeremiya 46:2

Ollota dda Iguputo, yallotille dda mulloko wa akhoto wa Farao Neko, mwene a o Iguputo oyo Nebukadinezara mwene a o Babiloni amugonjihalleeye o Karikemishi o muhinje wa Yufurate va muyakha waneesese wa omwene wa Yehoyakimu mwaana a Yosiya mwene a o Yuda wi,

Yesaya 26:1

Nllapo nenno athu a mu ellapo ya Yuda eneerewiipa nchipo nawi, “Nookhalla ni muzinda wampanda, Apwiya eneeroteteza mpandiiwa.

Yesaya 4:5

Sika Apwiya eneerohuruwella mwaango muttheene wa Ziyoni ni athwiiwa ni murapo otthaana ni mwiisi owaaka munllo woowala mahiiyu.

2 Mamwene 24:1

Mu enthawi ya Yehoyakimu, Nebukadinezara mwene a o Babiloni aahella ekhoto ellapo ya Yuda nave Yehoyakimu aawatiheriwa omurumeyella wa miyakha miraru. Koma vatulli viwa aamuwukila Nebukadinezara.

2 Mamwene 23:29

Mu enthawi ya omwenaaye, Neko mwene a o Iguputo aaya woomukavihera mwene a o Asiriya o muhinje wa Yufurate. Mwene Yosiya aaya woowanana ekhoto koma Neko aamwiipha Yosiya o Megido va ekhotweeyo.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Zekariya 9:7

Khewa echattho enama yanikhame apaalle erive yoocha yoohaakhullelliwa. Oohalla attheene enaakhalle athwaaka nave enaakhalle wonanko a nlloko na Yuda. Aekeroni enaakhallettho mmodda mwa athwaaka wonanko yeerelle Ayebusi.

2 Mamwene 19:34

Kineerowaakihera ni owuteteza muzindoolla ekaamba ya ntitimiho naka navettho echipanganwaaka ni Davide oorumeyellaaka.”

Miyambo 3:25

Ohinoovaka ddawoopiha nnddo ddinawa moorurumusa apaalle otulli wowaamorella athu oonanara.

Zekariya 12:4

Nllapo nenno kineeromoopopiha mowaapheelliha muru arive kavalo nave oowellavo kineeromusavulla. Kineeroniwehera nibanja na Yuda koma akavalo attheene a adaniiwa kineerewaatthattusa oohoona.