Zekariya 9:5 - Mawu a Mulluku

⁵ Muzinda wa Ashikeloni oneerewoona ddenndda nave oneerewoova. Nayeenettho Gaza aneerotthukumella wunchichi, emoddamoddave yeeyo Ekeroni ekaamba yawi etiyerellwaaye eneerotathiya. Gaza khakhallanattho ni mwene nave o Ashikeloni khokhallattho athu.

Zekariya 9:5 ပူးပေါင်းရင်းမြစ်များ

Mitteko 8:26

Mungelo a Apwiya aallota wa Filipo wi, “Venya nave oyeelle omwera okuse musewu woovenyera o Yerusalemu oya o Gaza.” (Muttano musewu yoolla khoneetiwa.)

Yeremiya 47:1

Alla sika mawu a Apwiya yawiille wi yallotilliiwa ni namallotella Yeremiya, dda Afilisti, Farao ahinamoononge Gaza.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Yowele 3:4

“Ethiyo nyu athu a o Tiro, Sidoni ni a o ezigawo dda Filistiya, munapaalla mukeere tini? Ethiyo munakihokollosella ekaamba ya nnddo kiweerelleemini? Ddaarimi ddiri ddiiddo, nameenettho kineerewuuhokollosellani mwawaakuva.

Amosi 1:8

Kineerewaavenyihamo ookhalla mu Ashidodi navettho oyo anaalamulelleke o Ashikeloni. Kineerewoononga muzinda wa Ekeroni ni nnatta naka nave Afilisti oohalla eneerewoonongeya.” Mi Apwiya Mulluku koollota.

Zekariya 9:4

Koma ngoonani, Apwiya eneeromwaakha erive ello ariiyena. Eneeromuvokhella mu enyanja nave olliye aneeroshellella ni munllo.

Zekariya 9:6

Athu oottakanyihereya mitundu sika enaakhalle o Ashidodi. Apwiya enallota wi, “Kineerewoononga wiitukhulla wa Afilisti.

Yesaya 14:28

Muyakha oyo vakhwille mwene Ahazi, vahiiweya ollotella wawi,

Amosi 1:6

Apwiya enallota wi, “Ekaamba ya ddoolakwa ddiraru dda athu a o Gaza apaalle ddisese, ngihiya omullaka. Vawi yaawuphara okaporo mutundu muttheene wa athu eyaana o Edomu.