Zekariya 9:3 - Mawu a Mulluku

³ Tiro ohiimakella yeekha mpanda woollipa ni wiitthukumanihella siliva wonanko nthupi navettho golide wonanko matokwi a m'musewuni.

Zekariya 9:3 ပူးပေါင်းရင်းမြစ်များ

Ezekiele 27:33

Malondaawo yallapuwiiwa enyanja yaanahakallalliha mitundu ddinchichi dda athu va ddoorama ddiwa. Mamwene a va ellapo yavatthi yaatukhuwana eyuumaawo.

Yobu 27:16

Naari atthukumaniheve eyuuma wonanko nthupi, apaalle uukellelleve ddoowara wonanko mihava,

2 Samuele 24:7

Vano yaaphiya ompandani wa Tiro ni o mizindani ddittheddene dda Ahivi ni Akanani. Ddimanlle nndda, yaavenyewo wenko yaphiya o Beeresheba, omwera wa ellapo ya Yuda.

Yoswa 19:29

Vano maliraayo yaakhoromanella o Rama yaphiya o Tiro, muzinda wa mpanda. Vaavo yaakhoromanellattho o Hosa, yakhumellella o enyanja ovenyera o Mahalabu yaphiya o Akizibu,

Yesaya 23:8

Ethiyo ttaani asimikizalle ddenndda wi ddimmorelle Tiro muzinda woomwene oyo amalondiiwa tti enduna ni oovuwa wunchichi va ellapo yavatthi ettheene?

Yobu 22:24

Golidaawo omweese oohikhalla ni mutteko, eyuumaawo yoowallamella mutengo oyoone wonanko ethaya.

1 Mamwene 10:27

Vano Solomoni aheeriha wi mu Yerusalemu mukhalle siliva awaata wonanko malluku. Aheerihattho wi mukunguza waate wonanko namukuyu a mutapo muhito mwa miyaango dda Yuda.

1 Mamwene 10:21

Eziwiya ddittheddene ddoowiryella dda Solomoni ddaari ddagolide nave eziwiya dda mu enyumba ya Otthako wa Lebanoni ddaari ddagolide aphaama ni malluku mamodda. Eziwiya ddasiliva kheddaarivo kaambiiwa siliva kheesiwa ello mu enthawi ya Solomoni.

Yesaya 23:11

Apwiya aattaphurusa nnatta niwa otthoonya enyanja nave yohaatikha moomwene. Yohaalamula a o Kanani wi ekumulle mipanda ddiwa.

Ezekiele 26:12

Eneerowaakha eyuumaawo ni malondaawo. Eneerokumulla mipanda ddawo ni enyumba ddawo ddooreera. Mallukwaawo, miteekho ddawo ni erive ello eneeroddivokha mu enyanja.

Ezekiele 27:34

Koma vano wohunttakeyella mu enyanja vatthivatthi va enyanja, We, katundwaawo ni allupa muttekwaawo attheene moomallella nimodda mu enyanja.’

Yobu 3:15

ddaano kikhallaka nimodda ni mamwene oovuwa ayo yaddallihalle enyumba ddiwa ni golide ni siliva.

Ezekiele 27:27

Eyuumaawo, katundwaawo ni malondaawo, ooweetihaawo ni awookollelleene, athu eeruso yamatabwa a esitima ddawo, ookulliha malondaawo, akhotwaawo attheene ayo yaari muwarimmo, mulloko wakhoto muttheene variyari vawo, attheenaayo yaamiryiwa vanyanjani nllapo nno woonongeyilleewe.

Ezekiele 28:1

Mawu a Apwiya Mulluku yaawa wa miyaano wi,

Amosi 1:9

Apwiya enallota wi, “Ekaamba ya ddoolakwa ddiraru dda Tiro apaalle ddisese, ngihiya omullaka, ngihiya omullaka. Yaawupharella wuukaporoni mutundu muttheene o Edomu, kheyaasungalle echipangano ya echibale yiiwananiiwa.