Zekariya 9:17 - Mawu a Mulluku

¹⁷ Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Zekariya 9:17 ပူးပေါင်းရင်းမြစ်များ

Yesaya 33:17

Enthawi yeeyo miitthwaanyu eneeromoona mwene awooneya mooreera nave muneerewoona ellapo yaphaama yooramballalla.

Nchipo na Solomoni 7:9

Eyanwaawo ekhalle wonanko vinyo ooddivesesa, oomorella vayanoni ni vamiinoni. Namwalli

Nchipo na Solomoni 5:10

Ookondiwaaka tti ooya m'mwiitthoni ni amasiva, tti oovuwesesa variyari va asombwe 10,000.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Masalimo 50:2

Apwiya ennawala mu Ziyoni, muzindiiwa wooreeresesa.

Masalimo 45:2

Nyuwaano tti ooreera waakhwaranya akhwiinyu attheene, vayanoni vanyu vinnakhumiha ddaphaamave. Ella sika ekaambiiwa Mulluku uudalisalleeyeni wa enthawi yoohimalla.

Masalimo 36:7

Nyu Mulluku, echikondaanyu yoohisintheya tti yoowallamella mutengo, athu ennathawella m'muuthuuchini wa muuphellwaanyu.

Masalimo 31:19

Ophaamaanyu tti wuullupalli oyo mwaasungenlleenyu athu oowoovani, oyo muweerelleenyu athu oothawella wa nyuwaano, oyo wooniwe ni arive muthu.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Aroma 5:20

Malamulo yaavelleelliwa wi athu edduwelle waata wa machimwiiwa koma machimo yaatilliiwa, echisomo ya Mulluku yahaanjerereya.

Aroma 5:8

Koma Mulluku ahooniha echikondaaye va hiyaano kaambiiwa Khrisitu aanikhwella naariihu oochimwa.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Yowele 2:26

Muneerocha ddinchichi ni ovona, muneerotitimiha nnddina na Apwiya Mullukwaanyu eweerelleni ddoottikhiniha. Athwaaka khewa enyaambusiwattho.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Masalimo 145:7

Eneerovuwiha dda ophaamaanyu, eneerewiipa otitimiha echilungamwaanyu.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Yeremiya 31:14

Allupa mukutho kineerewaachiha yoocha yaphaama, athwaaka eneerovona ddaphaama ddaka. Mi Apwiya koollota.”

Masalimo 144:12

Aniihu aallopwana veesombweni viwa ekhalle amasiva wonanko miteekho. Aniihu aatthiyana ekhalle ooreera wonanko apoto ooreerihiwa a enyumba yoomwene.