Zekariya 9:15 - Mawu a Mulluku

¹⁵ Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Zekariya 9:15 ပူးပေါင်းရင်းမြစ်များ

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Zekariya 10:7

Aefuremu enaakhalle wonanko akhoto amasiva, eneerohakallalla wonanko athu oomuvona vinyo. Aniiwa eneeroddoona ddenndda, eneerohakallallattho m'murimani mwiwa muneeroddalla othapella, ekaamba ya nnddo yeerille Apwiya.”

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

Eksodo 27:2

Opange manyaka va makoniiwa masesaayo, oopangiwa ni ntabwa nimoddave nenno nave onihuruwelle ni mukuwa.

Masalimo 78:65

Voomallihella Apwiya yakhanlle wonanko enimavenya wene omakonello, wonanko muthu amasiva anakhuwa ekaamba ya vinyo.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:18

Vatulli viwa nikhamenno animare va manyaka a va nikuwa nno niri vamiitthoni va Apwiya m'musasani wamutthukumano. Nikhame noohalla aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

1 Akorinto 1:18

Othenga wa okhwa wa Khrisitu vamutandani tti wookarangeya wa ayo enaawoonongeye. Koma wa hiyaano ninaavullusiwe ori masiva a Mulluku.

Zekariya 14:20

Nllapo nenno va mabelo oowara akavalo akhoto vineerolembiwa mawu awi, “Oopatulelliwa wa Apwiya.” Nave epalli dda o enyumba ya Apwiya ddinaakhalle ddoopatuleya wonanko embale dda vanikuwani.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Yesaya 37:35

Kineerowaakihera ni owuteteza muzindoolla ekaamba ya ntitimiho naka navettho echipanganwaaka ni Davide oorumeyellaaka.”

Nchipo na Solomoni 7:9

Eyanwaawo ekhalle wonanko vinyo ooddivesesa, oomorella vayanoni ni vamiinoni. Namwalli

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

1 Samuele 17:45

Koma Davide aamulleella Mufilistooyo wi, “Owiille wa miyaano okusalle nsupada ni nivaka. Koma miyaano kinawa wa weyaano mu nnddina na Apwiya Amasiva Mattheene, Mulluku a akhoto a Aisraele, oyo onamuvevulleewe.

Levitiko 4:7

Vatulli viwa mullupa mukutho muullupalli amare nikhamenno va manyaka a va nikuwa nawoosellamo lubani* nno niri m'musasani wamutthukumano. Nikhame noohalla na eng'ombeeyo aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Yobu 41:28

Khawiivo mpaamba onaawore omuthawiha, malluku a mulegeni annaatthattusa makattha.

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.

Zekariya 2:9

“Mi Apwiya kineerowuukutha athwaayo ni nnatta naka. Nave ayo yaari akaporwiiwa sika enaakhe eyuumiiwa.” Vano muneerodduwella wi Apwiya Amasiva Mattheene sika ekirumalle.