Zekariya 9:14 - Mawu a Mulluku

¹⁴ Vano Apwiya eneerowooneyella athwiiwa, eneerovokha miira ddiwa wonanko ettari. Apwiya Mulluku Amasiva Mattheene eneerewoopa nipallapata, eneereweeta mu namangalle oomwera.

Zekariya 9:14 ပူးပေါင်းရင်းမြစ်များ

Masalimo 18:14

Aavokha mipaamba ddaye, waapallallesa adanaaye, ahaamolleella ni ettari awiikariha.

Yesaya 66:15

Vawi ngoonani, Apwiya eneeroowa ni munllo nave magaretiiwa eneerophiya wonanko ephevo namangalle. Alliwa eneerewooniha vaweella owalliiwa nave eneerewaallaka adaniiwa ni mallumi amunllo.

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Yesaya 21:1

Nngu sika ollotella wa dda echipululu ya mukhwipi mwa enyanja. Otulli oneerophiya ovenyera o ellapo yawoopiha wonanko mmo namangalle anoopelleeye ovenyera o echipululu.

Yawuupullulla 6:2

Kaaweha nave kaamoona kavalo aweella. Oomuwellooyo apharenlle muura nave aavahiwa korona.* Vano aakhumellella wonanko oopambana wi aagonjihe adanaaye.

Habakuku 3:11

Nndduwa ni mweeri muddullu ddahiimella ooheeta ddoonille osherima wa mipaamba ddanyu ddoothamaka ni onyezimella wa mavakaanyu oowala.

Yesaya 30:30

Apwiya eneerovuwiha mawiiwa awoopiha nave athu eneerewoona nnatta niwa nikitthaka va alliwa ni owalli wawoopiha ni mallumi amunllo wawoononga variyari va ettari, namondwe ni marallalla.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Zekariya 12:8

Nllapo nenno Apwiya eneerewaateteza ookhalla o Yerusalemu mwawi athu oofooka wunchichi mwa alliwa enaakhalle amasiva wonanko Davide. Sika nibanja na Davide ninaakhalle noolamulella wonanko Mulluku, wonanko mungelo a Apwiya awaahoollella.

Yesaya 31:5

Wonanko epallame ddoovava vaddullu va emphuru ddiwa, Apwiya Amasiva Mattheene eneerewaakiha muzinda wa Yerusalemu. Eneerowuteteza ni owuvullusa nave eneerowuhiya vakhwipi ni owoopolla.”

Yesaya 18:3

Nyu athu attheene a va ellapo yavatthi ni nyu ookeraattheya va ellapo yavattheella, voowellihiwani embendela vaddullu va mwaango muneerewoona nave vawoopiwani nipallapata muneerewiiwa.

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Habakuku 3:14

Mipaamba ddanyu ddaamuhoma oohoollella a akhotwaaye ayo yaawiille wonanko namangalle wi enipallallese, ehakallallaka vawaanyingallellani oohoowa moovittheya.

Yobu 37:9

Namangalle annoopa ovenyera o nipuro naye, ephevo ennawiiha oriirya.

Masalimo 18:15

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Nyu Apwiya mwasimweenyu moowalli, mwavumeenyu mwamasiva ovenyera mphunani mwiwa.