Zekariya 9:12 - Mawu a Mulluku

¹² Nyu akaporo eetiyerello, hokollowani, hokollweellani o mpandaanyu woollipa. Kinasimikiza ollello wuuhokollosellani ddaphaama ddinchichi va nnddo mwaakhiweenyu.

Zekariya 9:12 ပူးပေါင်းရင်းမြစ်များ

Yobu 42:10

Sika Yobu aavekellelle akhwaayaalle, Apwiya yaamuhokollosella eyuumaaye. Yahaatiha opiilli nnddo aariiyena khalle.

Yesaya 61:7

Owulliwa muru ni onyaambusiwa wanyu ddineeromalla, muneerohakallalla ni echigawaanyu. Ellapwaanyu eneerewoonjereriwa, muneerothapella wa enthawi yoohimalla.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yeremiya 51:10

Vano Apwiya ahooniha vaweella echilungamwaahu. Hankoni nillalleye o Ziyoni nnddo Apwiya Mullukwaahu, eneerelliiwa.

Yeremiya 31:17

Vookhalla etiyerello, edduullu ddanyu ddineerohokollweella owaani wuno. Mi Apwiya koollota.”

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Mika 4:8

Vano we Ziyoni, nttattha nooteteza enkhosa ddaka, mwaango wa athwaaka, omwenaawo wakhalle oneerohokollowa, omwene wa mwaana aamutthiyana a Yerusalemu.

Yesaya 52:2

We Yerusalemu oophariwa ittatthe nthupi, venya, Nyu oomakiwa a o Ziyoni, phaddani onyolo munikohini mwanyu.

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Yesaya 38:18

A o ellapo ya ookhwa khewora wuuthokozani, ookhwa khewora wuutitimihani, ookitthella mu mahame khewora wuuroromellani.

Yesaya 49:9

Kineerewaalleella a mundende wi ekhume, a mwiipiphini wi yooneyelle vaweella. Eneerophwanya yoocha mukhwipi mwa musewu, eneerophwanya munyepu mu asimiyaango,

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Aheberi 6:19

Nookhalla ni etiyerello yeella wonanko nangula* ookumaahu eyo eri yookeraattheya ni yoollipa nave ennavollowa ohiyana ni ekatani ya mu enyumba ya Mulluku yooddullu yaphiya muwari mwa nipuro naweella.

Yesaya 24:22

Mulluku aneerewaatthukumaniha mamwene mattheene vamodda wonanko a mundende munllitini. Eneerewaawallella mundende nave vavira enthawi yoorekama eneerollakiwa.

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.