Zekariya 8:23 - Mawu a Mulluku

²³ Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Zekariya 8:23 ပူးပေါင်းရင်းမြစ်များ

Yesaya 60:3

Athu a mitundu ddimodda eneerothwara owala wawo, mamwene eneeroowa o onyezimella wawo wonanko nndduwa naakhumaka.

Yesaya 55:5

Vano muneerewiithana mitundu nnddo muhinaddidduwelleenyu, mitundu ddoohuudduwellani ddineeroowa mwawaakuva wi ddikhalle ni nyuwaano, ekaamba ya mi Apwiya Mullukwaanyu, Aweella a Israele oyo kinuuvahani oriiheya.”

1 Akorinto 14:25

Dda m'murimani mwanyu ddineerewuupullulliwa nave ekokhora omullapella Mulluku waakhullella wi, “Ddawoona Mulluku ari variyari vanyu!”

Yesaya 45:14

Apwiya enamulleella Israele wi, “Eyuuma ya o Iguputo ni malonda a o Kushi ddinaakhalle ddaanyu. Athu oorekama a o Saba eneeroowa wa nyuwaano eneerokhalla akaporwaanyu, eneerekewuuthwarani emakiwa ni onyolo. Eneerekokokhora ni ollota wi, ‘Mulluku ari ni nyuwaanove, khaavottho mmodda, Omupatula olliye khaavo mulluku mmodda.

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Genesis 31:7

Koma alliwaayo aakilleka nave aakhalla yaakakhanihaka mallivellwaaka okhumi. Koma Mulluku khaapaallille wi akeerelle ddoonanara.

Mitteko 19:12

Naari mipango dda m'mattani ni ekuwo apharihalleeye mutteko ddakusiwa ddakhuneelliwana oovoriiwa, ereta ddiwa ddaanachirihiwa navettho minepa ddoonanara ddaanakhuma.

Yesaya 4:1

Enthawi yeeyo atthiyana atthanu ni eelli eneeromwaakanella mullopwana mmodda ni ollota wi, “Hi niniichiheke ni wiiwariha weekhiihu, weyaano weeremoona onaakhullella wi neeriweke awariyo wi nihiye owulliwa muru.”

Yesaya 3:6

Enthawi yeeyo muthu aneerekompharella mmbale a mpa mwa attiitthinnya ni omulleella wi, “We wookhalla ni mukanjo sika okhalle oohoollellaahu nave ntepenna nikhalle m'mattani mwawo.”

Oollalleya 11:2

Kawa eyuuma ezigawo dditthanu ni piilli apaalle dditthanu ni raru vawi khonadduwella otulli oyo onaamore vatthimva.

Yobu 19:3

Munnakinyaambusa wiilliwiilli. Ethiyo khamunawulliwa muru mwaakihoosaka?

1 Epilli 12:18

Vaavo Munepa a Mulluku aamukitthella Amasai, oohoollella athu makhumi mararwaalle nave aallota wi, “Nyu Davide, hiyaanothi niri aanyu, niri nimodda ni nyu mwaana a Yese. Murendelle okhalle ni nyuwaano ni athu ayo enuukaviherani vawi Mullukwaanyu annuukaviherani.” Vano Davide aawaakhella nave ahaatthattusa oohoollella a milloko ddaye ddakhoto.

2 Mamwene 2:6

Vatulli viwa Eliya aallota wa Elisha wi, “Pepaani khalla vaava vawi Apwiya aakiruma wi kiye o Yordani.” Koma Elisha aamulleella Eliyooyo wi, “Kinimallupella vamiitthoni va Apwiya ni va nyuwaano wi nguuhiyani Ata.” Sika athu eellaayo yaavirellella olendwiiwa.

Mika 5:5

Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

Genesis 31:41

Mmu sika ddeko ddakhallelliiwa va miyakha 20 nnddo kakhanlleemi ni nyuwaano. Kohuupharellani mutteko miyakha khumi ni misese ekaamba ya aniinyu eellaalla nave miyakha mitthanu ni mmodda ekaamba ya eziweto. Komave mookhalla murukunusaka okumi mallivellwaaka.

Luka 8:44

Aawa otulli wa Yesu attannya mukhwipi mwa yawiikhuneellaaye. Nave enthawi yeeyo ereta yoohikhumamo oonille mweeri yaamalla.

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Yoswa 8:35

Yoswa aheerenga nirive lamulo na Mose wa Aisraele attheene ayo yatthukumanne. Atthiyana ni anamwani ni alleto ayo yaari variyari viwa yaari vaavo.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

Zefaniya 3:19

Enthawi yeeyo kineerewaallaka awuunyingallella attheene. Kineerewaavullusa oottutthunya ni waatthukumaniha oopallalleya attheene. Kineerotthattusa owullihiwa muru wiwa okhalla oriihiwa nave ellapo ettheene yavatthi eneerewaavaha olemu.

2 Epilli 15:9

Nave ahaatthukumaniha Ayuda attheene ni Abenjamini navettho athu anchichi a o Efuremu, Manase ni Simeoni ayo yakhalliiwana wonanko alleto vawi yaathawella wa olliye ovenyera o Israele yoonilliiwa wi Apwiya Mullukwaaye yaari ni olliye.

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.