Zekariya 8:20 - Mawu a Mulluku

²⁰ Apwiya Amasiva Mattheene enallota wi, “Enthawi ya owa wa athu oovenyera o mizinda ddinchichi eneerokwakhwana.

Zekariya 8:20 ပူးပေါင်းရင်းမြစ်များ

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Amosi 9:12

Enthawi yeeyo Aisraele oohalla eneerogonjiha ddoohalla dda o Edomu vamodda ni mitundu ddittheddene nnddo ddinadduwanyeya ni nnddina naka. Mi Apwiya koollota nave kineereweera killotilleeminndda.”

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Masalimo 89:9

Munnalamulella enyanja yoowalli, mafundiiwa yanyaruwa munnaakhurumusa.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

1 Mamwene 8:41

“Emoddamoddave yeeyo alleto ayo ehiri a athwaanyu o Israele ttuuwa ovenyera o ellapo ddimodda ddawuuteete ekaamba ya nnddina nanyu.

Mitteko 15:18

Sika Apwiya yaheeriha ddenndda wi ddidduwanyeye khalle.’

Mitteko 15:14

Simoni ootthopoolla phaama mmo Mulluku vawaamba oonihalleeye wi ohaatthoolla athu ayo ehiri Ayuda wi ekhalle athwaaye.

Masalimo 102:22

Mitundu dda athu ni mamwene ddineerotthukumana wi ddaallapelle Apwiya.

Yesaya 45:14

Apwiya enamulleella Israele wi, “Eyuuma ya o Iguputo ni malonda a o Kushi ddinaakhalle ddaanyu. Athu oorekama a o Saba eneeroowa wa nyuwaano eneerokhalla akaporwaanyu, eneerekewuuthwarani emakiwa ni onyolo. Eneerekokokhora ni ollota wi, ‘Mulluku ari ni nyuwaanove, khaavottho mmodda, Omupatula olliye khaavo mulluku mmodda.

Mika 4:3

Alliwa eneereweeruza variyari va mitundu dda athu ddinchichi, eneeromalliha ohiiwanana variyari va malloko amasiva, avakhuviru ni awoorekama. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.