Zekariya 8:19 - Mawu a Mulluku

¹⁹ “Ohalla ocha* wa mweeri waneesese, waneetthanu, waneetthanu ni piilli ni waneekhumi onaakhalle ohakallalla ni othapella o nibanja na Yuda. Mukondeke ddawoona ni murendelle.”

Zekariya 8:19 ပူးပေါင်းရင်းမြစ်များ

Yeremiya 39:2

Va muyakha waneekhumi ni mmodda wa omwene wa Zedekiya, mweeri waneesese, nllapo naneetthanu ni sese na mweeri, mpanda wa muzindooyo waaphovolliwa.

Zekariya 8:16

Ddoopaalleya weera tti ddawi arive muthu alloteke ddawoona ni mukhwaaye. Mweeruzeke mwawoona ni mwamurendelle m'mathatoni mwanyu.

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Yeremiya 52:4

Sika muyakha waneetthanu ni sese wa omwene wa Zedekiya, mweeri waneekhumi, nllapo naneekhumi na mweeri, Nebukadinezara mwene a o Babiloni aawa ni akhotwaaye attheene wi ehelle ekhoto muzinda wa Yerusalemu. Nave yaawaapheella virive veko ni misasa owaaka mikhuttu ddakhoto.

2 Mamwene 25:25

Koma va mweeri waneetthanu ni piilli Ishmaele mwaana a Netaniya, mwaana a Elishama, a o nibanja noomwene aawa ni athu khumi. Nave yaamuhella ekhoto Gedaliya, emwiipha owaakattho Ayuda ni athu a o Babiloni ayo aariiyena o Mizipa.

Masalimo 30:11

Mootthattusa winlla waka wi okhalle wiina, mookivenyihella ethakarakaaka mukivaha ehakallallo.

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Estere 9:22

vawi yaari mallapo ayo Ayuda yiittaphullalliiwa ovenyera wa adaniiwa. Sika mweeri wa Adara waari mweeri oyo ethakaraka ni winlla ddatthattuwalliiwa ohakallalla. Mordekai ahaalleellattho wi mallapo yaalla ekhalleke a ehakallallo ni a machellello voorumihellana ddoocha ddaphaama navettho waavaha emphaso athu oohoowa.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.

Yeremiya 36:6

Sika vano onaayeewo tti weyaano munipuroni mwaka, va nllapo noohalla ocha,* weerenge mawu a Apwiya ayo kuulembihalleemi mu nibukhummu athu attheene yiiwaka. Weerenge vamiitthoni va athu attheene a o Yuda oovenyera o mizinda ddiwa.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Zekariya 8:18

Mawu a Apwiya Amasiva Mattheene yaawa wa miyaano wi,

2 Mamwene 25:1

Va muyakha waneetthanu ni sese wa omwene wa Zedekiya, nllapo naneekhumi na mweeri, Nebukadinezara mwene a o Babiloni aawa ni akhotwaaye attheene wi ehelle ekhoto muzinda wa Yerusalemu. Nave yaawaapheella virive veko ni misasa owaaka mikhuttu ddakhoto.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

Ezekiele 18:8

ahinakongiriha wi apindulevo ello apaalle waakhella yawoonjereravo, aniihiiha weera ddoonanara nave khanaweha ekhove vookamullani millatu dda athu,

Ezekiele 24:1

Va nllapo naneekhumi na mweeri wa khumi, nllapo naneetthanu ni sese na okaporo, mawu a Apwiya yaawa wa miyaano wi,