Zekariya 8:13 - Mawu a Mulluku

¹³ Nyu mabanja a Yuda ni Israele, khalle mwaari echizindikiro ya matembelelo variyari va mitundu ddimodda dda athu. Koma vano kineerewuuvullusani wi mukhalle echizindikiro ya madaliso. Muhoove, llipani murima.”

Zekariya 8:13 ပူးပေါင်းရင်းမြစ်များ

Zekariya 8:9

Apwiya Amasiva Mattheene enallota wi, “Khallani amasiva. Vano munniiwa mawu a anamallotella ayo yallotiiwa va enthawi yookeraatthiha matthipello a enyumba ya Apwiya Amasiva Mattheene wi emakiwettho.

Zefaniya 3:20

Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Ezekiele 5:15

Oneerokhalla ello yoovevuwa nave eneerekewuunyemulla. Oneerokhalla wonanko ochenjeza nave ello yawoopiha wa athu a mitundu ddoowaapheella kaawuullakaka mwamasiva, kaakamullaka mullatwaawo moonanariwa ni moowalli. Mi Apwiya Mulluku koollota.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Hagai 2:19

Khamunna yoocha yinchichi mukhokweni mwanyu naari ezipaso ddampesa, ddanamukuyu, ddamakangaza navettho dda olivi khaddinimme. Koma waambeella ollello kineerewuudalisani.”

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Masalimo 44:16

vawiiwani mawu ooniroma ni ooniruwana, voomoonani mudanaaka, ookihokollosella ddoonanara.

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.

Agalatiya 3:14

Khrisitu Yesu aheera ddenndda wi madaliso ayo Mulluku aalonjezilleeye wa Abrahamu evahiwe wa athu a mitundu ddittheddene oweella mwa Khrisitu. Vano wi oweella mwa echikhulupililo naakhelle Munepa waalonjeziwe ni Mulluku.

Zekariya 9:13

Kineeromukunga Yuda wonanko muura wa akhoto, Efuremu sika anaakhalle mpaambiiwa. We Ziyoni, kineerewaakusa anaawo, wi ellipane ni anaawo, we Grisi, wonanko nsupada na akhoto amasiva.”

Zekariya 1:19

Kaamukoha mungelo olle allota ni miyaano wi, “Vano ella tti tini?” Olliye aakaakhulla wi, “Alla tti masiva a vatthimva ayo yaapallallesille athu a o Yuda, a o Israele ni a o Yerusalemu.”

Maliro 4:15

Athu yaanaakhuwella wi, “Khaweni nko! Ooripihiwanyu, muhinittannye!” Sika yaathawa, eneeteeta, nave athu a mitundu ddimodda yaallota wi, “Ehikhallettho ni hiyaano.”

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 44:12

Kineerewaakusa athu oohalla o Yuda ayo yallipihenlle oya o Iguputo wi yakhalle wenko, attheenaayo eneerotthollowa. Eneerewiiphelliwa mu ellapo ya Iguputo, amodda enaakhwe ni ekhoto nave amodda ni ettalla. Ang'onong'ono ni uullupalli enaakhwe ni ekhoto apaalle ni ettalla. Nave eneerotthattuwa ello yoonanara ni yooriiryiha mwiilli, ello yootembeleliwa ni yoovevulliwa.

Yeremiya 33:24

wi, ‘Apwiya ahaakhoota mabanja meellaalle yaatthoollilliiwa?’ Sika athwaayo enanyaambusa mullokwaaka oohiweesattho wonanko mutundu wa athu.

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Yeremiya 25:18

Yaakiruma o Yerusalemu, o mizinda dda o Yuda, wa mamwenaaye ni enduna ddaye wi etthattuwe matepe, ello yawoopiha ni yoottheyiwa monga ddikhallelliiwa ollello.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.

Hagai 2:5

Nndda sika kuulonjezilleemini mukhumaka mu Iguputo. Munepaaka orive ni nyuwaano sika muhoove.

Zekariya 8:15

Koma vano koosintha maganizo koosimikiza wi kimweerelle ddaphaama Yerusalemu ni nibanja na Yuda. Sika muhoove!

Zekariya 14:11

Athu eneerokhalla o Yerusalemu mwamurendelle vawi khewa yoopopihiwattho ni woonongiwa.

Deuteronomo 26:19

Mwawi ddiiddo mu othokoza, oriiheya ni ovuwa eneerewuuwellihani okhwaranya mitundu ddimodda ddittheddene dda va ellapo yavatthi nnddo yaddiphatusalliiwa nave muneerokhalla athwiiwa aweella moollikana ni mmo yalonjezelliiwa.”

Zefaniya 3:16

Nllapo nenno eneeromulleella Yerusalemu wi, “We Ziyoni, ohoove, mattaawo ehifooke.