Zekariya 8:12 - Mawu a Mulluku

¹² Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Zekariya 8:12 ပူးပေါင်းရင်းမြစ်များ

Deuteronomo 33:13

Aallota dda nlloko na Yosefe wi, “Apwiya edalise ellapwaaye, ekhalle ya murimu munchichi nave ya ehime ddinchichi.

Genesis 27:28

Mulluku uuvahe nikame nooddullu nave emata ddawo ddikhalle ni ethaya yaphaama. Uuvahe ddoocha ni ddoowirya ddinchichi.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Zekariya 8:6

Apwiya Amasiva Mattheene enallota wi, “Naari ddooneyaka wonanko ddoohiworeya wa athu a ellapo yeella ayo ehanlle, ethiyo ddenndda ttuukhalla ddoohiworeya ni miyaano?

Hagai 2:19

Khamunna yoocha yinchichi mukhokweni mwanyu naari ezipaso ddampesa, ddanamukuyu, ddamakangaza navettho dda olivi khaddinimme. Koma waambeella ollello kineerewuudalisani.”

Hagai 1:10

Ella sika ekaambiiwa oddullu wummalliiwa nave ethaya enawatteelliiwa ezipaso.

Yowele 2:22

Nyu enama ddamuhakani, muhoove vawi munyepu wa mu echipululu onimaphuwa, miteekho ddinimiima ezipaso, namukuyu ni mpesa ddinimiima wunchichi.

Yakobo 3:18

Nave echipaso ya echilungamo ennamiddiwa mwamurendelle wi yaapindulelle ayo eneera murendelle.

1 Akorinto 3:21

Vano ahikhallevo awiitukhulla ni ddaweera dda athu. Ddeko ddittheddene tti ddaanyu:

Hoseya 14:5

Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.

Ezekiele 36:30

Kineerewimmiha miteekho ezipaso ddinchichi nave ethaya eneerokhumiha ddoohata ddinchichi sika wi khamuwa muvevuwattho ekaamba ya ettalla variyari va mitundu ddimodda

Yesaya 61:7

Owulliwa muru ni onyaambusiwa wanyu ddineeromalla, muneerohakallalla ni echigawaanyu. Ellapwaanyu eneerewoonjereriwa, muneerothapella wa enthawi yoohimalla.

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Genesis 26:12

Isaki ahaalla mwiillaponimmo nave muyakha yooyo aahata ddeko ddawaata wunchichi kaambiiwa Apwiya yaamudalisa.

Ezekiele 36:12

Kineeroweeriha athwaaka, Aisraele wi yeete va nyuwaano. Alliwa eneerokeraattheyamo nave muneerokhalla yoohallaniiwa. Khamuwa muwaakhattho aniiwa.”

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Masalimo 72:3

Miyaango ddineerokusella madaliso wa athu, asimiyaango eneerowaana echilungamo.

Deuteronomo 33:28

Sika Aisraele eri vamurendelleni, edduullu dda Yakobo ddookeraattheya mwiillaponi, mmo muhinamalla tirigu ni vinyo, mmo muhinamwara nikame nooddullu.

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Levitiko 26:3

“Mwaathwareke malamulwaaka mattheene nave mwiiwellelleke moollikana ni mmo kuulamulelleemini,

Masalimo 85:12

Ddawoona, Apwiya eneerovelleella ddaphaama, ellapwaahu eneerokhalla ni ddoohata ddinchichi.

Hoseya 13:3

Ekaamba ya yeella eneerothiima wonanko echifunga apaalle nikame nookamuwa mwawaakuva. Eneeromwareya wonanko mallulla oovenyera va nipuro noomuuputhellavo tirigu apaalle mwiisi wookhuma vaniwindoni.

Hagai 2:18

Waambeella ollello nllapo na 24, mweeri waneetthanu ni sese oya muhoollo, nllapo nno matthipello a enyumba ya Apwiya yamakiiwiiwa, chenjerani.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Ezekiele 34:28

Athu a mitundu ddimodda khewa ewaakhattho ddeko ddiwa nave enama ddamuhakani khaddiwa ddaattakhuna. Eneerokhalla mwamurendelle oohikhallavo oowoopiha.

Ezekiele 36:9

Miyaano kiri ni nyuwaano, kineerewuuhokollweellani nave muneerollimiwattho ni waalliwa.

Yowele 2:19

Apwiya yahaakhulla ni ollota wa athwiiwa wi, “Vano kineerewuurumihellani tirigu, vinyo ni makhura a olivi wi muvoneke wunchichi, nave mitundu ddimodda khadduunyaambusanittho.

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Malaki 3:11

Ngaakhullella wi middope ddoononge ddam'matani mwanyu nave mipesa ddanyu khaddihiya wimma ezipaso. Kinallota tti mi Apwiya Amasiva Mattheene.