Zekariya 7:5 - Mawu a Mulluku

⁵ “Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Zekariya 7:5 ပူးပေါင်းရင်းမြစ်များ

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Zekariya 7:6

Mwacheenyu ni owirya, mwiihakallalliha nyookha.”

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Akolose 3:23

Erive ello muneereenyu, mweereke ni murima muttheene, wonanko munaphara mutteko wa Apwiya ohiri wa athu.

2 Akorinto 5:15

Nave Khrisitu aakhwa ekaamba ya attheene wi ayo eri ni okumi khenaphwanella ekhalleke ni okumi mwaweekhiiwa koma wa oyo aakhwille ni ovenyihiwa wa ookhwa ekaamba ya alliwaayo.

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Zekariya 8:19

“Ohalla ocha* wa mweeri waneesese, waneetthanu, waneetthanu ni piilli ni waneekhumi onaakhalle ohakallalla ni othapella o nibanja na Yuda. Mukondeke ddawoona ni murendelle.”

Yeremiya 25:11

Ellapo ettheeneella enaakhalle ntepe ni ello yoonanara. Va miyakha 70 mitundu ddenndda ddineeromurumeyella mwene a o Babiloni.

2 Mamwene 25:23

Sika akhoto uullupalli a Ayuda ni akhotwiiwa attheene yathawille yiiwalle wi mwene a o Babiloni oomukeraatthiha Gedaliya wi akhalle oolamulella, yaawa wa Gedaliya o Mizipa. Alla yaari Ishmaele mwaana a Netaniya, Yohanani mwaana a Kareya, Seraya mwaana a Tanihumeti a o Netofa ni Yazaniya mwaana a Maakati.

Yesaya 43:23

Khawaavelleelle wa miyaano enkhosa wi ddikhalle ddoovelleella ddooshellelliha, khawaakititimihalle ni mikutho ddawo. Nguullemenlle vawuuvekani ddoovelleella ddawo, nguutopihalle vawuuvekani lubani.*

Yesaya 58:3

Athu enakoha wi, “Ethiyo ninahallella tini vawi nyu Apwiya khamunoona? Ethiyo niniikatamihella tini vawiiyevihani vawi nyuwaano khamunapwathawo.” Apwiya enallota wi, “Ollota ddawoona, nllapo nne munahalleenyu ocha, munaashaasha ddeko nnddo ddinuuvaheni mphuro nave munnaahoosa allupa muttekwaanyu attheene.

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Yeremiya 52:12

Nllapo naneekhumi na mweeri waneetthanu muyakha wa 19 wa omwene wa Nebukadinezara a o Babiloni, Nebuzaradani muullupalli a alonda akhoto aawa o Yerusalemu.

Daniele 9:2

Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Zekariya 7:4

Vano mawu a Apwiya Amasiva Mattheene yaawa wa miyaano wi,

2 Mamwene 25:25

Koma va mweeri waneetthanu ni piilli Ishmaele mwaana a Netaniya, mwaana a Elishama, a o nibanja noomwene aawa ni athu khumi. Nave yaamuhella ekhoto Gedaliya, emwiipha owaakattho Ayuda ni athu a o Babiloni ayo aariiyena o Mizipa.