Zekariya 7:14 - Mawu a Mulluku

¹⁴ Kahaapallallesa wonanko namangalle variyari va athu a mitundu ddimodda nnddo yahiddidduwelliiwa. Sika ellapwiiwa yaatthattuwa echipululu ni ntepe mwawi khaavo naari mmodda eetamo.”

Zekariya 7:14 ပူးပေါင်းရင်းမြစ်များ

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.

Yeremiya 23:19

Onani ephevo yawoopiha yoovenyera wa Apwiya! Onani owalliiwa wawoopa wonanko ephevo yuullupalli, oneerewoopa va miru dda oonanara.

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Zekariya 2:6

Apwiya enallota wi, “Venyani, venyani! Thawani o ellapo ya ompoto. Valle kahuupallallesellani wonanko ephevo ddisese muddullu.

Zefaniya 3:6

Apwiya enallota wi, “Kohoononga mitundu ddittheddene dda athu, mipanda ddiwa dda akhoto kooddikumulla. Misewu ddiwa kooddoononga kheyiivottho ayo enaaweetemo. Mizinda ddiwa ddootthattuwa ntepe, khaavo naari muthu mmodda oyo ahanllemo.

Zekariya 9:14

Vano Apwiya eneerowooneyella athwiiwa, eneerovokha miira ddiwa wonanko ettari. Apwiya Mulluku Amasiva Mattheene eneerewoopa nipallapata, eneereweeta mu namangalle oomwera.

Habakuku 3:14

Mipaamba ddanyu ddaamuhoma oohoollella a akhotwaaye ayo yaawiille wonanko namangalle wi enipallallese, ehakallallaka vawaanyingallellani oohoowa moovittheya.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Amosi 1:14

Sika kineerorumiha munllo va esiri dda wa Raba, munllooyo oneeroshellelliha mipanda ddiwa ddoollipa. Vineerokhalla okhuwa va nllapo na ekhotonno, ekhotweeyo enaakhalle wonanko namangalle.

Daniele 8:9

Va nimodda mwa manyakaayo vaamella nnyaka ning'onong'ono nno nunnuwalle wunchichi nitthoonya omwera ni wookhuma nndduwa navettho o ellapo yooreeresesa.

Yeremiya 52:30

Va muyakha wa 23 wa omwene wa Nebukadinezara, Nebuzaradani muullupalli a alonda akhoto ahaakusa okaporo Ayuda 745. Attheene vamodda ookusiwa okaporo yaari 4,600.

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Yeremiya 36:19

Sika yaamulleella wi, “We ni Yeremiya mwiipitthe, vihikhalle muthu oodduwella nko muriinyu.”

Yeremiya 30:23

Ngoonani, ephevo yawoopiha ya Apwiya! Ephevo yawoopiha ya namangalle, ennoopa va miru dda athu oonanara.

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Yesaya 21:1

Nngu sika ollotella wa dda echipululu ya mukhwipi mwa enyanja. Otulli oneerophiya ovenyera o ellapo yawoopiha wonanko mmo namangalle anoopelleeye ovenyera o echipululu.

Yesaya 17:13

Akhoto a mitundu ddimodda ennawa ni othuruma wonanko maaddi manchichi. Koma Apwiya ennaahumullulla nave eneerothawella woorekama. Eneerewiikarihiwa wonanko nthupi noovava ni ephevo va miyaango, wonanko mallulla oovava ni namangalle.

Masalimo 58:9

Epalli ddanyu ddihinavihe ni ekhuni, ddikitthi apaalle ddawumma, Apwiya eneeroddishella.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Levitiko 26:22

Kineerewuurumihellani enama ddawoopiha ddamuhakani nave ddineerowoonongellani aniinyu owaaka eng'ombe ddanyu. Enama ddawoopiha dda muhakaninnddo ddineeroyeviha waata wanyu sika vano mu ettilla ddanyu khamuviraka athu.

Yesaya 66:15

Vawi ngoonani, Apwiya eneeroowa ni munllo nave magaretiiwa eneerophiya wonanko ephevo namangalle. Alliwa eneerewooniha vaweella owalliiwa nave eneerewaallaka adaniiwa ni mallumi amunllo.

Yesaya 60:15

Naari athu yuuhiyalle ni owiita weyaano, oohivirattho mwa weyaano, kineerowunnuwiha wa enthawi yoohimalla, onaakhalle nipuro na ehakallallo wa mibado ddittheddene.

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Ezekiele 5:10

Sika makhollo eneerewaattakhuna aniiwa variyari vanyu nave anamwani eneerewaattakhuna makhollwiiwa.’ ”

Ezekiele 12:19

Alleelle a mwiillaponimmo wi kinallota mi Apwiya Mulluku dda athu ookhalla o Yerusalemu navettho mu Israele tti ddawi, Athwaayo Eneerekoocha mootthukumella ni owirya mwawoova vawi ellapwiiwa eneerewaakhiwa erive ello ekaamba ya echiwawa ya athu ookhalla mwemmo.

Ezekiele 22:15

Kineerewaapallallesa athwaawo variyari va mitundu ddimodda dda athu ni waamwarella o ellapo dda woorekama. Mmu sika kinaamallihelleemi oripihiwa wawo.

Yowele 2:3

Munllo onnallandda muhoollo mwiwa, mutulli mwiwa, munllo onnaviha, owiitthoni wiwa ellapo tti wonanko emata ya Edeni, otulli wiwa tti wonanko echipululu moohikhalla ello, khaavo anaavulluwe.

Zekariya 8:1

Mawu a Apwiya Amasiva Mattheene yaawa wa miyaano wi,

Hoseya 9:17

“Mullukwaaka aneerewaakhoota athwaaye vawi kheyaamwiiwellelle. Eneerokhalla oothawathawa variyari va mitundu ddimodda.”