Zekariya 7:13 - Mawu a Mulluku

¹³ Vawi kheyaakaapenlle maaru kawiithanilleemi, miyaanottho ngaawaapenlle maaru yakiithaniiwa. Mi Apwiya Amasiva Mattheene koollota

Zekariya 7:13 ပူးပေါင်းရင်းမြစ်များ

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Mika 3:4

Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Ezekiele 20:3

“We mwaana a muthu, waalleelle attekweene a o Israele mawu awi ‘Ethiyo muwiille wi muveke ezeru wa miyaano, kinimallupella vamiitthoni vaka wi ngaakhullella ddenndda.’ Mi Apwiya Mulluku koollota.

Ezekiele 14:3

We mwaana a muthu, athu yaalla aahiya murimiiwa va mafano nave miitthwiiwa va ddookwakwatulliha ni waachimwiha. Ethiyo alliwa enaganiza wi kineerowaakhulla yaveka ezeru wa weyaano?

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Miyambo 21:13

Oyo ahinawaapella maaru oohoowa yaawinllaka khanaapelliwa maaru aawinllaka.

Yeremiya 7:27

“Sika we Yeremiya naari waalleelleve mwawiidde ddenndda khewiiwellella. Naari owiithaneve mwawiidde khewaakhulla.

Yeremiya 11:10

Aahokollweellattho o machimo a makhollwiiwa alle yakhootille okiiwellella vawi enathwara ni ollapella milluku ddimodda. A o Israele ni a o Yuda aatathilla echipangano eyo kakeraatthihalleemi ni makhollwiiwa.

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

Yeremiya 14:2

“Yuda animinlla, mizinda ddaye ddinimahoowa, athwaaye ahiikuha moomoriha ethakaraka, Yerusalemu aninllella nikavihero.

Maliro 3:44

Mooddiipitthiha ni mirapo wi mavekellwaahu ehiwore ophiyera.

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.