Zekariya 7:12 - Mawu a Mulluku

¹² Yahummiha mirima ddiwa wunchichi wi ehiiwe malamulo ni mawu ayo mi Apwiya Amasiva Mattheene kaahuddihalleemi ni munepaaka oweella mwa anamallotella akhalle. Ekaamba ya yeella mi Apwiya Amasiva Mattheene kahaananariwella wunchichi.

Zekariya 7:12 ပူးပေါင်းရင်းမြစ်များ

Ezekiele 11:19

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

Mitteko 28:27

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.’ ”

Ezekiele 36:26

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

Masalimo 50:17

Onniitana ni malangizwaaka, onnatathilla mawaaka.

Mariko 4:12

Nndda ddiri ddiidda wi, ‘Ennaweha, koma khenoonesesa, nave enniiwa, koma kheniiwesesa. Vawi yeerilleke ddiiddo yaaweerorukunuwella wa Mulluku nave aaweerewaakhululukella.’ ”

Mateyu 13:15

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Ezekiele 2:4

Athu yaalla tti awuumiha murima ni oohiiwellella. Kinuuruma wi wallote nnddo mi Apwiya Mulluku kinuulleelleemi.

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.

Luka 8:12

Mmiddo wamorenlle muttillooyo onaphwanaphwana ni athu ayo yiiwalle mawu a Mulluku. Koma Satana annawa awaakha m'murimani mwiwa mawu a Mullukwaayo wi ehikhulupilile navettho ehivullusiwe.

Zekariya 7:7

Alla tti mawu yallotille Apwiya oweella mwa anamallotella akhalle valle Yerusalemu aatilleeye ni athu nave aariiye va murendelle vamodda ni mizinda ddimodda ddawaapheella o ezigawo dda omwera ni o ntapo.

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Yeremiya 17:1

Apwiya enallota wi, “Machimo a Yuda elembiwe ni yoolembella yamukoko, ya etthoka yanlluku na daimondi va mirimani ddiwa ni va makuwiiwa.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yesaya 48:4

Kaadduwella wi weyaano tti awumma murima, awummiha nikohi wonanko mukoko.

Yobu 9:4

Mulluku tti eezeru ni amasiva, khaavo anaallipanena ni opambana.

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

Yesaya 46:12

Nyu athu awumma mirima, kiiwellelleni, nyu oorekamellana ni ovullusa.

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’

Eksodo 7:13

Farao ahummave murima nave khaapwathille nnddo yamulleelliiwa moollikana ni mmo Apwiya yallotelliiwa.

Yesaya 65:12

attheenenyu kineerowiiphani okhotoni. Ddawoona, attheenenyu muneerewiiphiwa kaambiiwa khamwaakhunlle kawiithaneemini nave khamwiiwalle kalloteemi koma mwaheera ddoonanara vamiitthoni vaka. Nave mwaatthoolla nnddo kihinapaalleemi ohiri ohakallalla ni ddaphaama.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 17:23

Alliwa kheyiiwellelle apaalle opwathawo koma ni mirima ddawumma yaakhoota wiiwa ni waakhella malangizwaaka.”

Yeremiya 42:21

Kohuulleellani ddittheddene ollello koma khamwaawiiwellelle Apwiya Mullukwaanyu ddittheddene nnddo ekirumalliiwa wi kuulleelleni.

Zekariya 1:2

“Apwiya yahaashella murima makhollwaanyu.