Zekariya 6:15 - Mawu a Mulluku

¹⁵ Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.

Zekariya 6:15 ပူးပေါင်းရင်းမြစ်များ

Yesaya 60:10

Apwiya enamulleella Yerusalemu wi, “Alleto eneeromakattho mipanda ddawo, mamweniiwa eneerewuurumeyella. Kahuullaka mvo kashilleemi murima koma vano kineeroweerella echifundo.

Zekariya 3:7

“Apwiya Amasiva Mattheene eni, ‘Mwathwara ettilla ddaka ni wiiwellella malamulwaaka, muneerolamulella mu enyumbaaka nave muneerowehera mathatwaaka. Navettho kineerowaakhullellani wi mukhalle vamodda ni alla yiimenlle vamiitthoni vaka.

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Yesaya 57:19

Athu attheene a woorekama ni a vakhuviru kineerewaavaha murendelle ni waachiriha.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Deuteronomo 30:10

Muwiiwellelleke Apwiya Mullukwaanyu ni osunga malamulo ni malangiziiwa mattheene ayo eri mu nibukhu na malamulo. Murukunuwelle wa alliwa ni murimaanyu muttheene ni okumaanyu muttheene.

Yesaya 49:12

Ngoonani, athwaaka eneerovenyera woorekama, amodda ompoto, amodda woovollowa nndduwa, amoddattho o Asuwani, omwera.”

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.