Zekariya 6:13 - Mawu a Mulluku

¹³ Olliye sika anaamake enyumbaaka nave aneerovahiwa olemu woophwanella mwene. Vakhuviru ni mpandwaaye woomwene vineerokhalla mullupa mukutho nave eellaayo enaapharelleke mutteko nimodda mwamurendelle ni mwawiiwanana.

Zekariya 6:13 ပူးပေါင်းရင်းမြစ်များ

Masalimo 110:4

Apwiya aallupella khesintha maganizwiiwa awi, “We tti mullupa mukutho wa enthawi yoohimalla, omullupa mukuthweene wonanko wa Melkizedeki.”*

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Yesaya 22:24

“Koma abalaaye ni edduullu ddaye enaakhalle katundu oollemella va olliye wonanko ezida ddookichini ddittheddene ddoomakellelliwa va ekhomo.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Masalimo 21:5

Mwaamupambaniha wi ariiheye wuullupalli, mwaamweeriha wi akhalle ni olemu muullupalli.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Aheberi 6:20

Yesu aahoolla avollowamo ekaamba ya hiyaano navettho olliyooyo sika ari mullupa mukutho muullupalli wa enthawi yoohimalla wonanko Melkizedeki.*

Akolose 1:2

Ninaalembella athu a Mulluku a o Kolose, asinnihu ni arokorihu oororomelleya mu eyaattano ni Khrisitu. Echisomo ni murendelle ddoovenyera wa Mulluku Attiitthiihu ddikhalle ni nyuwaano.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Zekariya 6:11

Opange enduwira ovenyera o siliva ni golide onaamwaakheewe. Nave enduwireeyo omakelle omuruni wa mullupa mukutho muullupalli Yoswa mwaana a Yehozadaki.”

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yesaya 54:10

Miyaango ttuususeya, asimiyaango ttuutikheya koma echikondaaka yoohisintheya va weyaano khewa emalla, Echipanganwaaka yamurendelle kineeroyisunga murendelle wa enthawi yoohimalla.” Apwiya ayo enaweerella echifundo sika enallota ddenndda.

Genesis 14:18

Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo.

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yeremiya 33:15

Mallapo yaayo navettho va enthawi yeeyo, kineeromuphuwihella Davide enthambi yoolungama oyo aneere ddaphaama ni ddoolungama mu ellapo ettheene.

Zekariya 4:9

“Zerubabele aamaka matthipello a enyumba yeella ni mattaaye, aneeroyimalliha ni mattaaye yaayo. Vano muneerodduwella wi Apwiya Amasiva Mattheene sika ekirumalle.

2 Samuele 7:13

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

Masalimo 21:4

Olliye uuvekilleni okumi, nyuwaano mwaamuvaha okumi woorekama, woohimalla.

Yesaya 9:5

Ddawoona, erive esapato ya muthu akhoto ni erive yoowara yoomorelliwa nikhame, ddineerokharihiwa wonanko ekhuni.