Zekariya 6:12 - Mawu a Mulluku

¹² Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Zekariya 6:12 ပူးပေါင်းရင်းမြစ်များ

Zekariya 3:8

We Yoswa, mullupa mukutho muullupalli, iwa! Nyu allupa mukutho akhwaaye, echizindikiro ya ddaphaama ddineereye, iwani! Kineerowaana oorumeyellaaka ooromolliwa Enthambi.

Yeremiya 33:15

Mallapo yaayo navettho va enthawi yeeyo, kineeromuphuwihella Davide enthambi yoolungama oyo aneere ddaphaama ni ddoolungama mu ellapo ettheene.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yesaya 4:2

Enthawi yeeyo enthambi ya Apwiya enaakhalle yaphaama wunchichi ni yooreera. Nave echipaso ya ellapo ya Israele eneerewaakotiha ni waariiha attheene oohalla.

Yesaya 53:2

Vallethi oorumeyellaaye ahunnuwa wonanko yoophuwa vamiitthoni va Apwiya, wonanko musisi mu ethaya yawumma. Olliye khaarina mooneyello aphaama wi hiyaano ttuumuweha, khaareere wi ttuukuseyana murima.

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

Aheberi 8:3

Arive mullupa mukutho muullupalli anatthoolliwa wi aheraatthiki mikutho ni emphaso wa Mulluku nave sika mullupa mukuthwaahu muullupalli anaphwanellattho okhalla ni yawi aheraatthi.

Aheberi 7:24

Koma Yesu annavirellellave okhalla ni okumi enthawi yoohimalla, sika muttekwaaye wookhalla mullupa mukutho, khanamuhiyerattho muthu mmodda.

Aheberi 7:4

Vano mohoona wi aari muthu muullupalli. Abrahamu nikhollo nahu noodduwanyeyanne, aamuvaha yaneekhumi ya ddittheddene akusalleeye okhotoni.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

Mitteko 13:38

Dduwellani nndda Aisraele akhwaakanyu wi oweella mwa Yesu, othenga wookhululukelliwa machimo onnallalleyiwa wa nyuwaano. Oweella mu malamulo a Mose khamwaawore ottaphulliwa o machimwaanyu mattheene,

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Mariko 15:39

Nave akhoto muullupalli a o Roma iimenlle vahoollo vamutandani ahoona mmo Yesu akhwelleeye, allota wi, “Ddawoona, muthoolla aari Mwaana a Mulluku!”

Mariko 15:29

Athu oovira yaanatikha miru ddiwa enamullotella epewe. Yaanallota wi, “Ha! Weyaano oowora okumulla enyumba ya Mulluku oyimakattho mallapo mararu,

Mariko 14:58

“Hi naamwiiwa allotaka wi, ‘Miyaano kineerokumulla enyumba ya Mullukweella yoomakiwa ni athu nave vavira mallapo mararu kineeromaka emodda yoohimakiwa ni athu.’ ”

Mateyu 26:61

Nave yaallota wi, “Muthu yoolla aallota wi, ‘Miyaano kineerowora okumulla enyumba ya Mulluku ni oyimakattho m'mallaponi mararu.’ ”

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Zekariya 8:9

Apwiya Amasiva Mattheene enallota wi, “Khallani amasiva. Vano munniiwa mawu a anamallotella ayo yallotiiwa va enthawi yookeraatthiha matthipello a enyumba ya Apwiya Amasiva Mattheene wi emakiwettho.

Mika 5:5

Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Ezara 3:8

Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Aheberi 10:12

Koma Khrisitu ahiiheraatthi mukutho mmoddave woweelliha machimo mattheene. Aheraatthilleeye, aakeraatthi o nnattanatta na Mulluku.

Yohane 19:5

Sika Yesu aakhuma awarille echipewa ya miiwa ni mukanjo wooreera woofiira. Pilato ahaalleella wi, “Ngamooneni muthoolle tti olla.”

Ezekiele 37:25

Eneerokhalla mu ellapo eyo kamuvahilleemi oorumeyellaaka Yakobo nko wakhalla makhollwaanyu. Alliwaayo, aniiwa ni edduullu ddiwa eneerokhalla wenko wa enthawi yoohimalla. Nave oorumeyellaaka Davide aneerokhalla oohoollelliwa wa enthawi yoohimalla.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

2 Samuele 7:13

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

Ezekiele 41:1

Vatulli viwa muthoolle aakikusella o echipinda yoopatuleya ya enyumba ya Apwiya, alinga eferemu, okhuveya wiwa waari mamita mararu erive embali.