Zekariya 6:11 - Mawu a Mulluku

¹¹ Opange enduwira ovenyera o siliva ni golide onaamwaakheewe. Nave enduwireeyo omakelle omuruni wa mullupa mukutho muullupalli Yoswa mwaana a Yehozadaki.”

Zekariya 6:11 ပူးပေါင်းရင်းမြစ်များ

Zekariya 3:1

M'masomphenya mamodda Apwiya yaakooniha mullupa mukutho muullupalli Yoswa iimenlle vamiitthoni va mungelo a Apwiya. Nave vakhuviru ni Yoswa vahiimella Satana, akhozekenlle omuhumullulla.

Masalimo 21:3

Munnaphiya wa mwenooyo ni madaliso aphaama wunchichi, munnamuwariha enduwira yoomwene ya golide aphaama va muru vaye.

Nchipo na Solomoni 3:11

Khumani nyu anamwalli a o Ziyoni, mumoone mwene Solomoni. Awanre enduwira yoomwene eyo amennya yamuwarihalliiwa va nllapo nookwataaye mvo murimaaye wahakallanlliiwa.

Yawuupullulla 19:12

Miitthwaaye yaari wonanko mallumi amunllo nave aawara akorona* anchichi omuruni waye. Nnddina naye naalembiwa va olliye nave khaavo adduwenlle ottaphullella wiwa koma yeekhaayeve.

Zekariya 3:5

Mungelo ahaalleella oomuvelleellaalle wi, “Muwariheni enduwira yooreera.” Sika yaamuwariha enduwira yooreera vamuru, emuwarittho ddoowara ddanaanweene mungelo a Apwiya iimenlle vaavo.

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Levitiko 8:9

Aamuwariha enduwira omuruni. Owiitthoni wa enduwireeyo aahiyawo malluwa a golide wi ekhalle echizindikiro ya opatuleya. Sika Mose aheera ddittheddene moollikana ni mmo Apwiya yamulamulalliiwa.

Eksodo 39:30

Nave yaapanga malluwa agolide aphaama wunchichi. Navettho yaagoba wonanko echidindo mawu awi, “Yoovelleelliwa wa Apwiya.”

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Hagai 1:14

Vano Apwiya yaamullipiha murima Zerubabele mwaana a Shealatiele oolamulella a o Yuda ni Yoswa mwaana a Yehozadaki, muullupalli a allupa mukutho komattho ni athu amodda attheene. Yahaamba ophara mutteko woomakattho enyumba ya Apwiya Mulluku Amasiva Mattheene,

Hagai 2:4

Komave mi Apwiya Amasiva Mattheene kinallota wi, we Zerubabele ohinatathilla murima, weyaano Yoswa mwaana a Yehozadaki, muullupalli a mullupa mukutho ohitathille murima, nyu attheene muhitathille murima. Virellellani ni mutteko vawi kiri ni nyuwaano.

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Eksodo 29:6

Omuwarihe enduwira omuruni waye ni malluwa oopatuleyaalle vanduwiranimvo.

Yawuupullulla 6:2

Kaaweha nave kaamoona kavalo aweella. Oomuwellooyo apharenlle muura nave aavahiwa korona.* Vano aakhumellella wonanko oopambana wi aagonjihe adanaaye.

2 Samuele 12:30

Vano Davide aarulla echipewa omuruni wa mwene a Aamoni. Echipeweeyo yallemella makilogaramu agolide ookhwaranya 30. Nave vachipewanimvo vaakhalla nlluku noowallamella mutengo. Davide aawara echipeweeyo, akusa ddawaakha okhotoni ddinchichi m'muzindanimmo.

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Zekariya 6:14

Enduwireeyo enaayisunge mu enyumbaaka wi ekhalle yawuupusella wa Heledai, Tobiya, Yedaya ni Yosiya mwaana a Zefaniya.”